Joshuwa 24:20 - EBƆRƐ BE KAWƆL

²⁰ Men baŋ yige Enyɛnpe na nsaa shuŋ nnyamase na be agbir na bre, e beeŋ kilgi ŋ gberge menyi kusoe. Kashenteŋ nna fanɛ e daa wɔ menyi kutɔ ama e beeŋ mur menyi cheche.”

Joshuwa 24:20 ပူးပေါင်းရင်းမြစ်များ

1 Kronikɛls 28:8

“Amoso mee kaŋɛ menyi nna ashi Enyɛnpe Ebɔrɛ nɛ Israɛlebi kikɛ nɛ b shɛr nfe ere be anishito fanɛ men baa de so nsaa bɛ kusɔ kama nɛ Enyɛnpe Ebɔrɛ na kaŋɛ anyi na so. Saŋɛ na so kasawule lela ere kraa beeŋ ba la menyi peya, nɛ menyi alɛ gba e ta kumo n sa men be kaman to ebi nɛ k ki bumo be kapetɛ mbaanaayɔ.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Nshɛ 89:31

ŋko nɛ b kplaŋ ma keŋini so nsaa maŋ bɛ ma mbraana so,

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Aizaaya 63:10

Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Ashuŋ Shunso 7:42

Nɛ Ebɔrɛ pal kaman n sa bumo n shin nɛ baa bunyaŋ achɛkpabi fanɛ kananɛ anebiana na daŋ sibɛ ŋ kaŋɛ fanɛ Ebɔrɛ kaŋɛ: ‘Israɛlebi, mannɛ ma nɛ men daŋ mɔ asɔbɔya kiyi na to nfɛ adena n sa na.

Ditɛronɔmi 4:25

Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.

Ditɛronɔmi 4:26

Amoso, esoso nɛ kasawule bee ji ma shɛda kabre nna fanɛ nɛ men kaŋ kini kenu n sa ma, k maaŋ chɛr nɛ men mur kasawule na so. Menyi maaŋ chena kasawule nɛ k wɔ Jɔɔdan be kaba ndoŋ na so n chɛr. Menyeeŋ mur cheche.

Hibruwebi 10:38

Ama ma basa nɛ b maŋ kɔ alubi ashi ma, Ebɔrɛ be anishito na bre beeŋ baa kɔ yirda a wɔtɔ. Ama nɛ bumo be ekama baŋ laŋɛ kaman bre, amodoŋwura be asheŋ maaŋ par ma.”

Joshuwa 24:21

Ama le nɛ basa na daŋ kaŋɛ Joshuwa: “Anyi maaŋ shuŋ agbir! Enyɛnpe Ebɔrɛ na nɛ anyeeŋ shuŋ.”

1 Samuɛl 12:15

Ama nɛ men baa maa nu a sa Enyɛnpe Ebɔrɛ na nsaa kplaŋ mbe mbra so bre, e beeŋ lara kenishi n yuu menyi nɛ men be ewura fanɛ kananɛ e daŋ wora men nananyɛnana na dra na.

1 Samuɛl 12:25

Ama nɛ fanɛ men kraŋ baa wɔtɔ a wora alubi bre, Enyɛnpe Ebɔrɛ na beeŋ mur menyi nɛ men be ewura kikɛ.”