Joshuwa 24:19 - EBƆRƐ BE KAWƆL

¹⁹ Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

Joshuwa 24:19 ပူးပေါင်းရင်းမြစ်များ

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nshɛ 99:3

Ekama beeŋ kpaŋ mbe ketregboŋ nɛ k kɔ eleŋ ga na. Ŋkpal manɛ so, e du cheembi nna.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Ɛksodɔs 34:7

Ma e naa ŋini benananyɛn ŋgboŋto ŋgboŋto kasha nsaa ta basa be edalubi nɛ kumukpakpaso nɛ alubi a paŋ bumo na. Ama ma alɛ maa kplaŋ alubiworapoana be kewora n jija so a maa gberge bumo kusoe. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.”

Aizaaya 2:9

Amoso, bumo kikɛ beeŋ ŋaba nseŋ ji anishinyɔr. Enyɛnpe Ebɔrɛ, sa maŋ ta m paŋ bumo!

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 30:11

Men yige kebaakaŋɛ anyi kusɔ nɛ Ebɔrɛ kaŋɛ be asheŋ! Anyi maŋ naa sha kenu shɛŋ a laŋɛ Israɛl be Ebɔrɛ cheembi na be kaplɛa so.”

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Aizaaya 5:16

Enyɛnpetale Ebɔrɛ na bre bee wora kusɔ nɛ k daga nna a ŋini mbe keshi, nsaa ji mbe basa demu a lara mbe kecheembiya efuli.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 11:44

Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Levitikɔs 11:45

Ma e la Enyɛnpe Ebɔrɛ nɛ n lara menyi ashi Ijipt be efuli so m ba nɛ m baa kaa la men be Ebɔrɛ, amoso men baa du cheembi, ŋkpal manɛ so, n du cheembi nna.

Levitikɔs 19:2

e kaŋɛ Israɛlebi na le: “Men baa du cheembi, ŋkpal manɛ so, ma Enyɛnpe, men be Ebɔrɛ na du cheembi nna.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Levitikɔs 20:7

Men lara menyi be amu n yili a du cheembi n sa ma, ŋkpal manɛ so, ma e la Enyɛnpe, men be Ebɔrɛ na.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Joshuwa 24:18

An ka bee ba kasawule ere so na nɛ Enyɛnpe Ebɔrɛ na ju Amɔriebi nɛ b wɔ kumo so na kikɛ. Amoso anyi alɛ gba beeŋ shuŋ Enyɛnpe na. Mo e la an be Ebɔrɛ.”

Joshuwa 24:23

Ndoŋ nna nɛ Joshuwa kaŋɛ: “Men ta efuli pɔtɛana so be agbir nɛ a wɔ menyi kutɔ na n lɛ nseŋ ta menyi be ŋgbene kikɛ n sa Enyɛnpe, Israɛl be Ebɔrɛ na nawule.”

Ruf be kawɔl 1:15

Ndoŋ nna nɛ Nawomi kaŋɛ Ruf le: “Keni, fo chamana e bɛta a yɔ mbe basa kutɔ nɛ mbe kade to be ademaŋ to na, fo alɛ gba e bɛta nɛ fo nɛ mo kikɛ e baa yɔ.”

1 Samuɛl 3:14

Amoso nɛ n fiɛ Eli be laŋ to ebi so ŋ kaŋɛ fanɛ sarga ŋko toto be kelara maaŋ tiŋ n lara le be alubi be kasogberge ere ashi bumo so na.”

1 Samuɛl 6:20

Ndoŋ nna nɛ Bɛf Shimɛsh be benyɛn na bishi abar le: “Wanɛ e naŋ tiŋ n yili Enyɛnpe Ebɔrɛ cheembi ere be anishito n ji efute? K daga fanɛ an lara ŋkre be deka ere nfe, ama nnɛ nɛ anyeeŋ yɛr kumo?”