Joshuwa 24:18 - EBƆRƐ BE KAWƆL

¹⁸ An ka bee ba kasawule ere so na nɛ Enyɛnpe Ebɔrɛ na ju Amɔriebi nɛ b wɔ kumo so na kikɛ. Amoso anyi alɛ gba beeŋ shuŋ Enyɛnpe na. Mo e la an be Ebɔrɛ.”

Joshuwa 24:18 ပူးပေါင်းရင်းမြစ်များ

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Ɛksodɔs 10:2

Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Ashuŋ Shunso 7:45

Kumo be kaman, an nanaana nɛ bumo tutoana daŋ ta wajɛbu na n sa na, daŋ keta kumo, saŋɛ nɛ bumo nɛ Joshuwa daa la na nna n yɔ efuliana nɛ Ebɔrɛ daŋ ju amo to be basa n lɛ nɛ an nanaana sɔ bumo be nsawule na kikɛ so. Ndoŋ nɛ wajɛbu na daŋ ba kaa shir a wɔ hale n ya fo Ewura Deevid be jemanɛ.

Ditɛronɔmi 10:21

Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Joshuwa 23:9

Enyɛnpe Ebɔrɛ na ju basagboŋ lempoana saŋɛ nɛ menyee ba na nna, nɛ bumo be ekama maŋ naŋ tiŋ n tu menyi ŋ kɔ.

Joshuwa 24:17

Enyɛnpe Ebɔrɛ na ka lara anyi nɛ an tutoana kenyaya to ashi Ijipt be kasawule so na, an wu emamachisheŋ nɛ e daŋ wora. Mo e daŋ kuŋ anyi ashi anyi be enite kikɛ to ashi efuli kama so nɛ an bɔla n choŋ.

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.