Joshuwa 23:11 - EBƆRƐ BE KAWƆL

¹¹ Amoso, men baa sha men Nyɛnpe Ebɔrɛ na ga nsaa da so nɛ men maaŋ wora n da mo so.

Joshuwa 23:11 ပူးပေါင်းရင်းမြစ်များ

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ditɛronɔmi 30:16

Nɛ menyeeŋ wora Enyɛnpe, menyi be Ebɔrɛ na be mbraana kasonu nseŋ sha mo bre, menyeeŋ dii dama nsaa la efuli nɛ kumo be basa shi. Enyɛnpe menyi be Ebɔrɛ na malɛ beeŋ nɛfa menyi ashi kasawule nɛ menyee yɔ nɛ men ya sɔ n chena so na so.

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Joshuwa 22:5

Ama men baa da so nsaa bɛ mbra nɛ Mosis sa menyi, fanɛ: ‘Men baa sha men Nyɛnpe Ebɔrɛ na, nsaa wora mbe aparsheŋ. Men baa bɛ mbe mbra so, a ji kashenteŋ a sa mo, nsaa shuŋ mo nɛ men be ŋgbene nɛ ayoyu kikɛ.’ ”

Joshuwa 23:10

Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

Joshuwa 23:12

Men baŋ pal kaman n sa mo nseŋ tu basa nɛ b ka a wɔ menyi to na a wora asheŋ nsaa ta abar be beche bre,