Joshuwa 23:10 - EBƆRƐ BE KAWƆL

¹⁰ Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

Joshuwa 23:10 ပူးပေါင်းရင်းမြစ်များ

2 Samuɛl 23:8

Deevid be benapo nɛ bumo be atre dii ga nde: Joshɛb Baashibef nɛ e shi Tachimɔn na e daa la mbe benapo lempo asa nɛ bumo be atre dii a chɔɔ ekama na be ejuŋkparpo. E daŋ ta kekpa nna ŋ kɔ m mɔ benyɛn alfa aburwa ashi kena koŋwule to.

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

1 Kronikɛls 5:22

Hag be basa damta daŋ wu kena na to nna ŋkpal Ebɔrɛ ka daŋ chɛ to ŋ kɔ bumo so. Ndoŋ nna nɛ Ruben nɛ Gad nɛ Manase be epeŋilarkpa be kaba so be basa sɔ bumo be efuli na n chena so n ya fo jemanɛ nɛ b pɛ bumo n yɔ Asiriya be efuli so.

Nshɛ 35:1

Enyɛnpe Ebɔrɛ, kɔ bekama nɛ baa kɔ ma na; nseŋ kuŋ bumo nɛ baa kuŋ ma ekpa na ekpa.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Ɛksodɔs 14:14

Enyɛnpe Ebɔrɛ na beeŋ kɔ bumo kena n sa menyi. Menyi ere e yige a keni mo de.”

Aizaaya 30:17

Menyi to be basa kagboŋ beeŋ wu bedoŋ be enapo koŋwule nseŋ shile nɛ bumo be benapo anu e shin nɛ menyi kikɛ e shile. Kumo be lalaloge menyi to be basa gbrɛbi e naaŋ ka nsaa du fanɛ kedibi nɛ b ta tuta n chɛ m mata n yuu kebee be awɔlto na.

Levitikɔs 26:7

Menyeeŋ kɔ m pɔɔ men doŋana so.

Levitikɔs 26:8

Menyi to be basa anu beeŋ kɔ m pɔɔ basa kalfa so, nɛ basa kalfa e kɔ m pɔɔ basa ŋgboŋ kudu so.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 20:3

Israɛl be benapo, men nu nfe! Menyee yɔ kena to kabre nna na, ama men sa maŋ kpal men doŋana so a lɔ kufu ŋko a jija kenyɛn ŋko a chicha.

Ditɛronɔmi 20:4

Menyi nɛ Enyɛnpe menyi be Ebɔrɛ na e naa yɔ kena na to; mo alɛ beeŋ shin nɛ men kɔ m pɔɔ so.

Ditɛronɔmi 28:7

“Enyɛnpe Ebɔrɛ na beeŋ chɛ to ŋ kɔ m pɔɔ men doŋana so. Baaŋ mel abar m bɔla kaboŋ koŋwule m ba menyi so, ama baaŋ pesaŋ to m bɔla mboŋ damta so m bɛta n shile.

Ditɛronɔmi 3:22

Amoso, men sa maa ŋana bumo, ŋkpal manɛ so, Enyɛnpe menyi be Ebɔrɛ na beeŋ chɛ menyi to ŋ kɔ bumo.”

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 23:11

Amoso, men baa sha men Nyɛnpe Ebɔrɛ na ga nsaa da so nɛ men maaŋ wora n da mo so.

Joshuwa 23:3

Menyi kikɛ wu kusɔ nɛ Enyɛnpe menyi be Ebɔrɛ na wora efuliana na ŋkpal menyi so. Enyɛnpe Ebɔrɛ na e kɔ n sa menyi.

Demujipoana 15:15

Samsɔn ka kilgi nɛ e wu kurma be ketayawibi ka dese nɛ e fuu kumo n ta m mɔ Filistiebi na be basa kagboŋ.

Demujipoana 3:31

Ehud ka wu be kaman, kanyɛn nɛ baa tre Shamgaa nɛ e la Anaf pibinyɛn na, e sɔ mo so a juŋkpar Israɛlebi. E daŋ ta kedibi nɛ b shɛl fanɛ kekpa nna m mɔ Filisti be basa alfa ashe kachɛ koŋwule m mɔlga Israɛlebi.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”