Joshuwa 22:29 - EBƆRƐ BE KAWƆL

²⁹ Anyi maaŋ kini kenu n sa Enyɛnpe Ebɔrɛ ŋko ŋ kini kebɛ mo so nseŋ pɔr bɔrɛsure a chɔɔ sarga kumo so ŋko a lara ajibi be sarga ŋko sarga kama kumo so. Anyi maaŋ pɔr bɔrɛsure kikɛ n naŋ ti Enyɛnpe nɛ e la anyi be Ebɔrɛ be bɔrɛsure nɛ k yil Enyɛnpe Ebɔrɛ be wajɛbu na be anishito na so.”

Joshuwa 22:29 ပူးပေါင်းရင်းမြစ်များ

Jɛnesis 44:17

Nɛ Josɛf kaŋɛ: “Cha, kaarɛ gba nɛ n wora loŋ. Esa nɛ b wu ma kusɔnuunchu na nawule e naaŋ ki ma kenya. Menyi nɛ men ka na e bɛta a yɔ epe men tuto kutɔ nɛ kagbenewushi.”

Jɛnesis 44:7

Ndoŋ nna nɛ b bishi mo le: “Manɛ e ba nɛ fo, an nyɛnpe bee malga le ere? Kaarɛ gba nɛ anyi, fo anya e wora loŋ!

1 Bewura 21:3

Nɛ Nabɔf kaŋɛ ewura na le: “N nananyɛnana kutɔ nɛ n ji asɔrso be kudɔ ere be kapetɛ, amoso Ebɔrɛ e baa pete ma gba nɛ n ta kumo n sa fo!”

2 Bewura 18:22

Kede be kaman nɛ Asiriya be benapo be enimu na naŋ kaŋɛ: “Ŋko menyee sha kekaŋɛ ma fanɛ Enyɛnpe menyi be Ebɔrɛ na nɛ men ta menyi be amu a to so! Mannɛ Enyɛnpe Ebɔrɛ na be ebɔrɛsure nɛ mboŋ nɛ baa shuŋ mo na nɛ Hɛzekaya kaŋɛ fanɛ b mur amo kikɛ nseŋ ka kakpa koŋwule n sa basa nɛ b wɔ Juda be efuli so nɛ Jerusalɛm to nɛ b baa shuŋ Ebɔrɛ ndoŋ nawule a?

2 Kronikɛls 32:12

Mannɛ mo e daŋ bure agbir nɛ ebɔrɛsure na nseŋ kaŋɛ Juda nɛ Jerusalɛm be basa fanɛ b baa chɔɔ duwu ashi bɔrɛsure koŋwule so na a?

Romebi 3:6

Kaarɛ, loŋ maŋ kɔ ekpa kuraa, ŋkpal manɛ so, nuso nɛ Ebɔrɛ daa tiŋ a ji durnya ere to ebi demu?

Romebi 6:2

Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 9:14

To, nuso nɛ anyeeŋ kaŋɛ naniere? Fanɛ Ebɔrɛ maa ji asheŋ nɛ amo be ekpa so ŋko? Kaarɛ gba!

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Joshuwa 22:23

Nɛ fanɛ an wora Enyɛnpe Ebɔrɛ na kusoe kpakpaso nna nseŋ pɔr anyi gbagba be bɔrɛsure nɛ an baa chɔɔ esarga kumo so ŋko a lara ajibi be esarga ŋko a lara kɔnɔkoŋwule be esarga kumo so bre, Enyɛnpe Ebɔrɛ na e gberge anyi kusoe.

Joshuwa 22:26

Amoso nɛ an pɔr bɔrɛsure nɛ an maaŋ baa chɔɔ asɔbɔya ŋko a lara sarga kumo so na.

Joshuwa 22:28

Anyi alɛ be nfɛra e la fanɛ, nɛ loŋ kaŋ wora, an nanabiana beeŋ tiŋ ŋ kaŋɛ le: ‘An nananyɛnana daŋ pɔr bɔrɛsure fanɛ kumo nɛ k wɔ Enyɛnpe Ebɔrɛ be wajɛbu na be anishito ashi Jerusalɛm na nna. K daa maŋ la esarga chɔɔso nɛ sarga be kelara be bɔrɛsure nna, ama k daa la shɛda nna n sa anyi be basa nɛ menyi be basa.’

Joshuwa 22:30

Bɔrɛmatapowura Finihas nɛ benimu kudu nɛ b daŋ ti mo so nsaa la epeŋitɔrkpa be eyiri yiri be mbuna mbuna be bejuŋkparpoana na ka nu kusɔ nɛ Ruben nɛ Gad nɛ Manase be epeŋilarkpa be kaba so be bejuŋkparpo na kaŋɛ na, nɛ b wu fanɛ b kɔ akpa.

Joshuwa 24:16

Ndoŋ nna nɛ basa na kaŋɛ: “Anyi maaŋ yige keshuŋ Enyɛnpe Ebɔrɛ na nseŋ ya kaa shuŋ agbir.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.