Joshuwa 22:27 - EBƆRƐ BE KAWƆL

²⁷ Ama an wora loŋ nna nɛ k baa la shɛda n sa anyi nɛ menyi be basa nɛ an be kenana fanɛ anyee lara sarga chɔɔso nɛ ajibi be sarga nɛ kɔnɔkoŋwule be sarga a shuŋ Enyɛnpe Ebɔrɛ ashi Enyɛnpe be wajɛbu na be anishito ashi Jerusalɛm. Le e naaŋ shin nɛ men nanabiana e sa maŋ tiŋ ŋ kaŋɛ an nanabiana fanɛ Enyɛnpe na la Israɛlebi nawule be Ebɔrɛ nna.

Joshuwa 22:27 ပူးပေါင်းရင်းမြစ်များ

Jɛnesis 31:48

Ndoŋ nna nɛ Leeban kaŋɛ: “Ajembu nɛ a deŋ abar so ere e la anyi be kɔnɔ naseso ere be shɛda kabre.” Loŋ so nɛ b daŋ nase ndoŋ Galeed na.

Jɛnesis 31:52

Amoso m maaŋ baŋ amo so m ba tɔrɔ fo. Fo alɛ e sa maŋ baŋ amo so m ba tɔrɔ ma.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Aizaaya 19:19

Kumo be kaman nɛ basa na e pɔr bɔrɛsure n sa Enyɛnpe Ebɔrɛ na ashi Ijipt be kasawule so nseŋ naŋ yuu kanyiŋi be ajembu ashi Ijipt nɛ efuli pɔtɛana be egbaŋ to n sa mo.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Joshuwa 22:10

Ruben nɛ Gad be eyiri nɛ Manase be epeŋilarkpa be kaba so be yiri na ka ba Gelilɔf ashi Jɔɔdan be lɔr na be epeŋitɔrkpa be kaba so na nɛ b pɔr bɔrɛsure gboŋgboŋi ko Jɔɔdan be lɔr na ase.

Joshuwa 22:26

Amoso nɛ an pɔr bɔrɛsure nɛ an maaŋ baa chɔɔ asɔbɔya ŋko a lara sarga kumo so na.

Joshuwa 22:28

Anyi alɛ be nfɛra e la fanɛ, nɛ loŋ kaŋ wora, an nanabiana beeŋ tiŋ ŋ kaŋɛ le: ‘An nananyɛnana daŋ pɔr bɔrɛsure fanɛ kumo nɛ k wɔ Enyɛnpe Ebɔrɛ be wajɛbu na be anishito ashi Jerusalɛm na nna. K daa maŋ la esarga chɔɔso nɛ sarga be kelara be bɔrɛsure nna, ama k daa la shɛda nna n sa anyi be basa nɛ menyi be basa.’

Joshuwa 22:34

Nɛ Israɛlebi nɛ b wɔ Jɔɔdan be lɔr na be epeŋilarkpa be kaba so na kaŋɛ: “Bɔrɛsure ere la shɛda nna a nyiŋi anyi fanɛ Enyɛnpe na la anyi kikɛ be Ebɔrɛ nna.” Ndoŋ nna nɛ b nase kumo “Shɛd.”

Joshuwa 24:27

nseŋ kaŋɛ basa na le: “Le be kejembu ere e naaŋ baa la anyi be shɛda. Kumo alɛ gba nu mmalga nɛ Enyɛnpe Ebɔrɛ malga n sa anyi ere kikɛ. Nɛ men baa maa ji kashenteŋ a sa Ebɔrɛ, k beeŋ ji loŋ be shɛda.”

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”