Joshuwa 22:20 - EBƆRƐ BE KAWƆL

²⁰ Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Joshuwa 22:20 ပူးပေါင်းရင်းမြစ်များ

2 Kronikɛls 24:18

Basa na daa maŋ naa yɔ bɔrɛlambu na to n ya kaa bunyaŋ bumo nananyɛnana be Ebɔrɛ na. B daŋ naŋ fara nna a shuŋ agbir nɛ kegbirche Ashira be kegbir be kapɔrduli. Ŋkpal kulubi nɛ b wora ere so, Enyɛnpe Ebɔrɛ be agbo daŋ ba Juda nɛ Jerusalɛm be basa so nna.

Job be kawɔl 35:8

Kulubi ŋko kelela kama nɛ fee wora na, fo braana edimɛdi nɛ fee wora amo.

Levitikɔs 10:6

Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

1 Kɔrintebi 10:6

To, le be asheŋ ere kikɛ la asɔ nɛ a bee ŋini anyi asɔ ko nna a fiɛ anyi so nɛ an sa maŋ kaa ta anyi be ŋgbene a deŋi alubi so fanɛ kananɛ b daŋ wora na.

Joshuwa 22:21

Ndoŋ nna nɛ Ruben nɛ Gad nɛ Manase be epeŋilarkpa be kaba so be yiriana na to be basa na be bejuŋkparpo kaŋɛ Israɛlebi be mbuna mbuna be benimu na le:

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:18

Nɛ Joshuwa shin nɛ Zabdi be kanaŋ to ebi lar n yili kukoko to nɛ b lara Kaami pibi Eekan nɛ e la Zabdi mo nanabi na.

Joshuwa 7:24

Nɛ Joshuwa nɛ Israɛlebi na kikɛ pɛ Eekan nseŋ ta gbiti na nɛ piŋi na nɛ shuwa na, nɛ Eekan be mbia kikɛ nɛ mbe ekurma nɛ mbolpɔ nɛ mbe ana nɛ mbe wajɛbu nɛ kusɔ kama nɛ e kɔ kikɛ n yɔ ketaŋɛ nɛ baa tre Akɔɔ na to. Akɔɔ be kifito e la ‘Tɔrɔ’

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.

2 Pita 2:6

Ŋko nɛ e daŋ wu Sodɔm nɛ Gomɔra be nde na to ebi be alubi nseŋ daŋ chɔɔ amo edɛ nyam n ta kusɔ nɛ k daŋ wora bumo na a ŋini kusɔ nɛ k beeŋ ba wora bɔrɛkinipoana na, e beeŋ yige le be befɛpo ere bre a?