Joshuwa 22:18 - EBƆRƐ BE KAWƆL

¹⁸ Ŋko menyee sha nna nɛ men pal kaman n sa Enyɛnpe Ebɔrɛ? Men baŋ kini kenu n sa Enyɛnpe Ebɔrɛ kabre, echefoso, mo alɛ beeŋ nya agbo n wɔtɔ Israɛlebi kikɛ.

Joshuwa 22:18 ပူးပေါင်းရင်းမြစ်များ

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

1 Bewura 9:6

Ama nɛ fo ŋko fo kaman to ebi be beko kini kebɛ ma mbra so nsaa shuŋ efuli pɔtɛana so be agbir bre,

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

1 Kronikɛls 21:14

Amoso Enyɛnpe Ebɔrɛ daŋ shin nna nɛ kulɔ be aleblawu ba Israɛlebi so nɛ bumo be basa ŋgboŋ adushunu kikɛ wu.

2 Kronikɛls 25:27

Baŋ yili saŋɛ so nɛ ewura Amaziya kini kebaanu a sa Enyɛnpe Ebɔrɛ na, nɛ b fara a fin mo nɛ kulubi ashi Jerusalɛm. Ade kikɛ be kaman nɛ e shile n yɔ Lakish nɛ mo doŋana malɛ bɛ mo so n yɔ ndoŋ n ya mɔ mo.

2 Kronikɛls 34:33

Ewura Josaya daŋ mur agbir nɛ Ebɔrɛ kishi ga na nna ashi Israɛl be kasawule na so kikɛ. Mo alɛ ka daa wɔ ŋkpa to na, e daŋ shin nna nɛ basa na bee shuŋ Enyɛnpe bumo nananyɛnana be Ebɔrɛ na nna.

Levitikɔs 10:6

Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 32:15

Men baŋ kini kebɛ Enyɛnpe Ebɔrɛ so, e beeŋ naŋ kplaŋ mbe basa so ashi keshishɛrsawule ere so nɛ bumo be alubi e baa bɛ menyi.”

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

Joshuwa 22:16

b yili Enyɛnpe Ebɔrɛ be basa na kikɛ be katelamu to ŋ kaŋɛ le: “Manɛ nna nɛ men wora le be kulubi ere ŋ gbiti Israɛl be Ebɔrɛ? Men ka kini kenu n sa Enyɛnpe Ebɔrɛ na so nɛ men pɔr bɔrɛsure ere n sa menyi gbagba be amu na! Men maŋ naa bɛ mo so nna na.

Joshuwa 22:20

Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

1 Samuɛl 12:14

Nɛ fanɛ menyi nɛ men be ewura bee bunyaŋ Enyɛnpe Ebɔrɛ nna nsaa shuŋ mo a nu a sa mo nsaa bɛ mbe mmalga naseso so bre, asheŋ beeŋ nyalɛ n sa menyi.

1 Samuɛl 12:20

Ndoŋ nna nɛ Samuɛl kaŋɛ le: “Men sa maa lɔ kufu. Kashenteŋ nna fanɛ men wora kulubi, ama amo na amo kikɛ, men sa maŋ lar Enyɛnpe Ebɔrɛ na kaman ama men ta menyi be ŋgbene kikɛ a shuŋ mo.