Joshuwa 22:15 - EBƆRƐ BE KAWƆL

¹⁵ B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

Joshuwa 22:15 ပူးပေါင်းရင်းမြစ်များ

1 Kronikɛls 21:3

Nɛ Jɔab kaŋɛ ewura Deevid le: “Yiramu, hale nɛ Enyɛnpe fo Ebɔrɛ na shin nɛ Israɛl be benapo wora kishi n ti so fanɛ ntuŋ kalfa a chɔ kananɛ b du naniere gba bumo kikɛ kra la fo nyɛrbi nna. Manɛ e ba nɛ fee sha fanɛ fo wora le be kesheŋ nɛ k maŋ shi Ebɔrɛ kutɔ ere n shin nɛ nfɛra lubi ere e ba efuli ere so?”

2 Kronikɛls 10:19

Baŋ yili loŋ be saŋɛ m ba fo kabre, basa nɛ b wɔ Israɛl be kelargato be esoso be kaba so na bee kini kebaanu a sa ewura Deevid be kanaŋ to be kuwurji be mbra nna.

2 Kronikɛls 25:27

Baŋ yili saŋɛ so nɛ ewura Amaziya kini kebaanu a sa Enyɛnpe Ebɔrɛ na, nɛ b fara a fin mo nɛ kulubi ashi Jerusalɛm. Ade kikɛ be kaman nɛ e shile n yɔ Lakish nɛ mo doŋana malɛ bɛ mo so n yɔ ndoŋ n ya mɔ mo.

2 Kronikɛls 26:18

nɛ b ya kuŋ mo akpa. B yɛ: “Uziya, fo maŋ kɔ ekpa nɛ fo chɔɔ duwu n sa Enyɛnpe Ebɔrɛ. Bɔrɛmatapoana nɛ b shi Ɛɛrɔn be kanaŋ to na nawule e kɔ ekpa nɛ b tiŋ n wora loŋ. Lar kakpa cheembi ere ŋkpal manɛ so fo wora kulubi ŋ gbiti Ebɔrɛ nɛ mbe nɛfa maŋ naa wɔ fo so.”

2 Kronikɛls 28:13

B yɛ: “Men sa maŋ ta basa nɛ men pɛ kena to na m ba nfe! An tiŋ n wora alubi ŋ gbiti Enyɛnpe Ebɔrɛ na nseŋ wɔtɔ mo agbo to n daga mbe kasogberge. Naniere, menyee shin nɛ men wora kusɔ nɛ k beeŋ shin nɛ anyi be kulubi na e wora alegai nna na.”

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Aizaaya 63:10

Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Levitikɔs 5:19

K la kewora n jija be sarga nɛ e lara n sa Enyɛnpe Ebɔrɛ na ŋkpal kulubi nɛ e wora na so nna.”

Nɔmbɛs 14:43

Menyi nɛ Amalɛkebi nɛ Keenanebi na baŋ ya ka kɔ, Enyɛnpe Ebɔrɛ na beeŋ lar menyi kaman nɛ b pɔɔ menyi so m mɔ menyi ŋkpal men ka maŋ wora mo kasonu so.”

Nɔmbɛs 32:15

Men baŋ kini kebɛ Enyɛnpe Ebɔrɛ so, e beeŋ naŋ kplaŋ mbe basa so ashi keshishɛrsawule ere so nɛ bumo be alubi e baa bɛ menyi.”

Nɔmbɛs 5:6

e kaŋɛ Israɛlebi na fanɛ, esa kama nɛ e wora n da mo barkasa so wora n da mo Enyɛnpe Ebɔrɛ na gba so nna na.

Matiu 18:17

Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 5:4

Men kaŋ ba shɛr an Nyɛnpe Yesu Kristo be ketre to nɛ ma alɛ wɔ menyi to ashi kiyoyu na to nɛ Yesu Kristo be eleŋ wɔ menyi to na,

Ditɛronɔmi 30:17

Ama nɛ men kini nseŋ wora kusoe kpakpaso nseŋ n ya kaa shuŋ agbir bre,

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Joshuwa 22:12

nɛ bumo kikɛ shɛr ashi Shilo nɛ b bela ase n ya kɔ epeŋilarkpa be kaba so be eyiri ana na kena,

Joshuwa 22:14

Bejuŋkparpo kudu nɛ b la Israɛlebi nɛ b wɔ Jɔɔdan be lɔr na be epeŋitɔrkpa be kaba so be eyiri yiri to na be basa koko e daŋ tu Finihas n yɔ.

Joshuwa 22:16

b yili Enyɛnpe Ebɔrɛ be basa na kikɛ be katelamu to ŋ kaŋɛ le: “Manɛ nna nɛ men wora le be kulubi ere ŋ gbiti Israɛl be Ebɔrɛ? Men ka kini kenu n sa Enyɛnpe Ebɔrɛ na so nɛ men pɔr bɔrɛsure ere n sa menyi gbagba be amu na! Men maŋ naa bɛ mo so nna na.

Joshuwa 22:18

Ŋko menyee sha nna nɛ men pal kaman n sa Enyɛnpe Ebɔrɛ? Men baŋ kini kenu n sa Enyɛnpe Ebɔrɛ kabre, echefoso, mo alɛ beeŋ nya agbo n wɔtɔ Israɛlebi kikɛ.

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”