Joshuwa 21:45 - EBƆRƐ BE KAWƆL

⁴⁵ Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.

Joshuwa 21:45 ပူးပေါင်းရင်းမြစ်များ

1 Bewura 8:15

Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Bewura 8:20

Enyɛnpe Ebɔrɛ be kɔnɔ nɛ e nase na bɔlɔ so naniere bre: Ma e sɔ n tuto so n ji Israɛl be kuwura, ma alɛ e pɔr bɔrɛlambu nɛ baaŋ ba bunyaŋ Enyɛnpe Israɛl be Ebɔrɛ na.

1 Bewura 8:24

Fo bɛ kɔnɔ nɛ fo nase n sa n tuto ewura Deevid na so nseŋ shin nɛ kumo kikɛ bɔlɔ so kabre.

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Aizaaya 48:3

Kumo be kaman nɛ Enyɛnpe Ebɔrɛ na kaŋɛ Israɛlebi na le: “Dra dra kikɛ nɛ ŋ kaŋɛ kusɔ nɛ k beeŋ wora; epul na to malɛ nɛ n shin nɛ loŋ wora.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

1 Tɛsalɔnikaebi 5:24

Emo nɛ e tre menyi na beeŋ wora le be asheŋ, ŋkpal manɛ so, e la emo nɛ esa beeŋ tiŋ n yirda nna.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.