Joshuwa 21:44 - EBƆRƐ BE KAWƆL

⁴⁴ Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 21:44 ပူးပေါင်းရင်းမြစ်များ

2 Kronikɛls 13:16

Israɛlebi na daŋ kilgi nna a shil nɛ Ebɔrɛ na shin nɛ Judaebi na ju m bɛ bumo so a mɔ bumo.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Aizaaya 63:14

Kananɛ baa kpa ana a yɔ keplasawule so nɛ a bee nya a wushi na aloŋ nɛ Enyɛnpe Ebɔrɛ na be Kiyoyu sa bumo ewushi. E daŋ juŋkpar mbe basa nna nɛ mbe ketre bɔla bumo so n nya kemaŋkura.

Ditɛronɔmi 2:36

Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Ditɛronɔmi 21:10

Nɛ Enyɛnpe menyi be Ebɔrɛ na kaŋ shin nɛ men yɔ kena to n ya kɔ m pɔɔ so nseŋ pɛ basa bedamta,

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

Joshuwa 1:13

“Men nyiŋi kusɔ nɛ Mosis nɛ e la Enyɛnpe Ebɔrɛ be kayɛrbi na kaŋɛ menyi na. E yɛ Enyɛnpe menyi be Ebɔrɛ na ta kasawule nɛ k wɔ Jɔɔdan be lɔr na be epeŋilarkpa ere nna n sa menyi nɛ men baa wɔ kumo so kagbenewushiso.

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 11:12

Joshuwa daŋ kɔ m pɔɔ nde na kikɛ nɛ amo be bewura so nna nseŋ mɔ basa nɛ b wɔ amo to kikɛ fanɛ kananɛ Enyɛnpe Ebɔrɛ be kayɛrbi Mosis daŋ kaŋɛ mo fanɛ e wora na.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 22:9

Ndoŋ nna nɛ basa nɛ b shi Ruben nɛ Gad be yiri to na nɛ Manase be yiri nɛ k wɔ epeŋilarkpa be kaba so na bɛta n yɔ bumo pe ana. B daŋ yige Israɛlebi be basa nɛ b ka na nna ashi Shilo nɛ k wɔ Keenan na nseŋ bɛta n yɔ bumo gbagba be kasawule so ashi Giliad nɛ b kɔ n sɔ fanɛ kananɛ Enyɛnpe Ebɔrɛ bɔla Mosis so ŋ kaŋɛ bumo kenishipereso na.

Joshuwa 23:1

Enyɛnpe Ebɔrɛ na daŋ sa Israɛlebi na ewushi nfɛ damta nna ashi bumo doŋana kutɔ. Joshuwa malɛ daŋ bel ga nna.