Joshuwa 21:43 - EBƆRƐ BE KAWƆL

⁴³ Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 21:43 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

2 Kronikɛls 20:8

B chena kasawule ere so nna m ba pɔr bɔrɛlambu ere nɛ k baa la kemaŋkura n sa fo,

Nehemaya 9:24

Ade kikɛ be kaman nɛ bumo nanaana kɔ n suge Keenanebi be kasawule. Fo e daŋ chɛ bumo to nɛ b kɔ m pɔɔ bewuraana nɛ efuli pɔtɛana so. Fo e shin nɛ b tiŋ n wora bumo doŋana kusɔ kama nɛ baa sha kikɛ.

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Nshɛ 105:8

E bee nyiŋi a bɛ mbe kɔnɔkoŋwule be ŋkre nɛ mbe nnɔ naseso nɛ e nase n sa menyi na so hale n ya fo yili kenana ko m ba tu kenana ko be ntuŋ kagboŋ so nna.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Nɔmbɛs 33:53

Men sɔ kasawule na kikɛ n chena so, ŋkpal manɛ so, ma e naa ta kumo a sa menyi.

Nɔmbɛs 34:2

fanɛ e sa Israɛlebi na: “Nɛ men baŋ luri Keenan be kasawule nɛ ŋ kɔ a sa menyi na to, kananɛ men be kasawule be egbaŋto egbaŋto beeŋ baa du nde:

Ditɛronɔmi 11:31

Menyee dii Jɔɔdan be lɔr na nna nɛ men ya sɔ kasawule nɛ Enyɛnpe menyi be Ebɔrɛ na bee ta a sa menyi nɛ men chena so na nna na. Nɛ men kaŋ ya sɔ kumo n chena ndoŋ,

Ditɛronɔmi 12:29

Ndoŋ nna nɛ Mosis naŋ kaŋɛ le: “Enyɛnpe menyi be Ebɔrɛ na e naaŋ baa mur efuliana nɛ menyeeŋ baa kɔ a sɔ bumo be nsawule na nɛ men nya n chena ndoŋ.

Ditɛronɔmi 17:14

Israɛlebi, men kaŋ ya kɔ n sɔ kasawule nɛ Enyɛnpe menyi be Ebɔrɛ na bee sa menyi na n chena so, menyeeŋ kaŋɛ fanɛ menyee sha ewura fanɛ efuliana pɔtɛana nɛ a kulti menyi na.

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.