Joshuwa 21:38 - EBƆRƐ BE KAWƆL

³⁸ Nde nɛ b daŋ nya ashi Gad be yiri to ebi be kasawule so malɛ daa la nde ana nna. Amo e la Ramɔf nɛ k la kesɔnyige be nde na be kuko ashi Giliad na nɛ Mahanaim

Joshuwa 21:38 ပူးပေါင်းရင်းမြစ်များ

Jɛnesis 32:2

Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

2 Samuɛl 17:24

Pɔɛŋ nɛ Absalɔm nɛ Israɛlebi be benapo na dii Jɔɔdan be Lɔr na n loge na nɛ Deevid bre tea wɔ Mahanaim.

2 Samuɛl 19:32

Bazilai daa la enyɛnnimu nna nseŋ ji fanɛ nfɛ aduburwa. E daa la damawura nna, nseŋ daa sa ewura na ajibi saŋɛ nɛ e daa wɔ Mahanaim na.

2 Samuɛl 2:8

Neer pibi Abna nɛ e daa la Sɔɔl be benapo be enimu na daŋ ta Sɔɔl pibi Ishboshɛf nna n shile n dii Jɔɔdan be lɔr na n yɔ Mahanaim.

1 Bewura 22:3

Ndoŋ nna nɛ Ahab kaŋɛ mbe benimuana le: “Manɛ nna nɛ anyi maaŋ wora ania ŋ kɔ n sɔ Ramɔf nɛ k wɔ Giliad na ashi Siriya be ewura na be enɔ to? Efuli na la anyi peya nna!”

1 Bewura 4:13

Bɛngeba e daa keni Ramɔf be kade nɛ k wɔ Giliad na, nɛ ndewurbi nɛ a wɔ kumo be kasawule so nsaa la Jair nɛ e la Manase be kaman to ebi na peya na so. Mo koŋwule na e daŋ naa keni Agob be kebonfu nɛ k wɔ Bashan be kasawule so nsaa kɔ nde adeshe nɛ b pɔr egbal ŋ kulti amo nseŋ ta danyaŋ n lɔŋɛ amo be akuloŋgboŋana na kikɛ so.

1 Bewura 4:14

Ido pibinyɛn Ahinadab e daa keni Mahanayim be kebonfu na so.

1 Kronikɛls 6:80

Nde nɛ Mɛrariebi na daŋ nya ashi Gad malɛ be yiri na to e daa la Ramɔf nɛ k wɔ Galiad na nɛ Mahanaim

Ditɛronɔmi 4:43

Kade nɛ baa tre Bɛza nɛ k wɔ keshishɛrsawule be kepreŋ so na nɛ e daŋ lara n yili n sa Ruben be yiri to ebi, nseŋ lara kumo nɛ baa tre Ramɔf nɛ k wɔ Giliad be kasawule so na n yili n sa Gad be yiri to ebi, nseŋ naŋ lara kade nɛ baa tre Golan nɛ k wɔ Bashan be kasawule so na n yili n sa Manase be yiri to ebi.

Joshuwa 13:26

Nseŋ naŋ yili Hishbɔn gba n ta n yɔ Ramaf Mispa nɛ Bɛtonim kikɛ, nseŋ naŋ yili Mahanaim gba hale n ya fo Lodiba be kasawule be ekar kikɛ,

Joshuwa 13:30

Bumo e daa wɔ Mahanaim nɛ Bashan kikɛ be kasawule. Bashan be ewura nɛ baa tre Ɔg na be efuli kikɛ, nɛ Jair be nde adeshe nɛ a wɔ Bashan na kikɛ daŋ ti bumo be kasawule na so nna.

Joshuwa 20:8

Jɔɔdan be lɔr na be epeŋilarkpa be kaba so ashi keshishɛrsawule na so na malɛ b daŋ lara Beza nɛ k wɔ Ruben be kasawule so na nɛ Ramɔf nɛ k wɔ Giliad ashi Gad be kasawule so na nɛ Golan nɛ k wɔ Bashan ashi Manase be kasawule so na.

Joshuwa 21:37

Kedemɔf nɛ Mefaaf, n ta amo be asɔbɔya be ejikpa be nsawule n ti so.

Joshuwa 21:39

nɛ Heshbɔn nɛ Jaza, n ta amo be asɔbɔya be ejikpa be nsawule n ti so.