Joshuwa 2:12 - EBƆRƐ BE KAWƆL

¹² Amoso men jande, men nase kɔnɔ n sa ma nseŋ bɔ ntaŋ Enyɛnpe Ebɔrɛ na be ketre to fanɛ menyeeŋ wora ma nɛ ma kanaŋ kikɛ kelela, ŋkpal ŋ ka wora menyi kelela so.

Joshuwa 2:12 ပူးပေါင်းရင်းမြစ်များ

Jɛnesis 21:23

amoso nase kɔnɔ Ebɔrɛ be anishito nfe fanɛ echefoso fo maaŋ fule ma nɛ ma mbia nɛ ma kaman to ebi. N wora fo kelela n chɛr, amoso fo alɛ gba e nase kɔnɔ n sa ma nɛ efuli mo nɛ fo la efɔ kumo so ere so ebi fanɛ fo maaŋ lar anyi kaman kikɛ.”

Jɛnesis 24:3

ashi Enyɛnpe nɛ e la esoso nɛ kasawule so kikɛ be Ebɔrɛ na be ketre to fanɛ fo maaŋ ta eche ashi Keenanebi nɛ n wɔ bumo to nfe ere n sa m pibinyɛn Aizek.

Jɛnesis 24:9

Eebraham ka malga le n loge na nɛ mbe kayɛrbi na ta enɔ n wɔtɔ mo nyɛnpe Eebraham be kebembi be kaseto m bɔ ntaŋ n sa mo a yɔ kesheŋ na be kaplɛa so.

Jɛnesis 40:14

Ama mee kule fo nna fanɛ nɛ kusɔ kama kaŋ nyalɛ n sa fo, fo nyiŋi ma nseŋ wora ma kelela. Kaŋɛ Fɛɛro ma asheŋ n lara ma ashi kabuti ere to.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Ɛsta 8:6

M maaŋ tiŋ n chena a keni nɛ ma basa e mur.”

Ɛksodɔs 12:13

Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Maak 14:44

Pɔɛŋ nɛ b ba ndoŋ le nɛ edebɔrpo na daŋ ŋini bumo: “Emo nɛ meeŋ ba pipe mbe kegbuŋ kechɔrɔso na e la kanyɛn nɛ menyee sha na. Men pɛ mo ŋ keni mo so a yɔ.”

Romebi 1:31

B maŋ nyi asheŋ, bumo alɛ maŋ naa bɛ bumo be nnɔ so ŋko a wu kuwɔr nsaa maa la basa.

1 Timoti 5:8

Ama eche kama nɛ e maa keni mo kurgepoana so, fɔnfɔŋ basa nɛ b mata mo na, yige kebaakɔ anyi be yirda na to nna na. Esa nɛ e maŋ yirda Yesu Kristo na malɛ gba bɔ loŋ be esa.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Joshuwa 2:13

Men nase kɔnɔ fanɛ menyi maaŋ wora n tuto nɛ n nio nɛ n siponyɛnana nɛ n sipocheana nɛ bumo be basa kikɛ shɛŋ nsaa beeŋ mɔlga anyi ashi luwu to.”

Joshuwa 2:18

Ama, an kaŋ bɛta m ba nɛ an ba kɔ menyi be efuli so ebi kena fo ta efɔl peper ere n cha fo tokuro nɛ anyeeŋ bɔla kumo to n lar na. Kumo be kaman nɛ fo bar fo tuto nɛ fo nio nɛ fo siponyɛnana nɛ fo kanaŋ kikɛ fo laŋ to.

Joshuwa 2:19

Ama men be ekama nɛ e kaŋ lar fo laŋ to nɛ b mɔ mo bre, k maaŋ baa la anyi be asheŋ. Ekama nɛ e ŋana fo laŋ to bre kaŋ baŋ, wu kumo ere mbe turju e baa bɛ anyi.

Joshuwa 6:22

Ndoŋ nna nɛ Joshuwa kaŋɛ basa anyɔ nɛ b daŋ shuŋi fanɛ b ya dara kade na le: “Men luri sakaleche na be laŋ to n lara mo nɛ mbe laŋ to ebi kikɛ ŋkpal manɛ so, loŋ be kɔnɔ nɛ men nase n sa mo.”

Joshuwa 9:15

Nɛ Joshuwa nɛ Gibiɔn be basa na wora kagbenewushi be kɔnɔkoŋwule be ŋkre nseŋ nase nnɔ n sa abar fanɛ Israɛlebi maaŋ mɔ bumo. Nɛ Israɛlebi be bejuŋkparpoana na shuli so fanɛ baaŋ bɛ kɔnɔ naseso na so.

Demujipoana 1:24

nɛ b ya tu kanyɛn ko nɛ e shi kade na to a lar, nɛ b kaŋɛ mo: “Ŋini anyi kananɛ anyeeŋ wora n nya n luri kade ere to saŋɛ na so anyi maaŋ tɔrɔ fo.”

1 Samuɛl 30:15

Nɛ Deevid bishi mo le: “Feeŋ tiŋ n yɛr ma Amalɛkebi na kutɔ a?” Nɛ e yɛ: “Mm, nɛ feeŋ nase kɔnɔ Ebɔrɛ be ketre to fanɛ fo maaŋ mɔ ma ŋko n ta ma m bɔɔ n nyɛnpe enɔ bre, meeŋ yɛr fo bumo kutɔ.”