Joshuwa 19:51 - EBƆRƐ BE KAWƆL

⁵¹ Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ to beri Enyɛnpe Ebɔrɛ be nshɛr be wajɛbu na be kabunato Enyɛnpe na be anishito ashi Shilo m barga kasawule na to n sa basa na kikɛ. Loŋ nɛ b wora m barga kasawule na to.

Joshuwa 19:51 ပူးပေါင်းရင်းမြစ်များ

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Nshɛ 78:60

E daŋ kini mbe wajɛbu nɛ e daa wɔ kumo to ashi mbe basa to ashi Shilo be kade to nna n lɛ.

Matiu 20:23

Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ meeŋ ji, ama m maŋ kɔ ekpa nɛ n lara emo nɛ e beeŋ chena ma jisoso nɛ ma bena so. N Tuto e lɔŋɛ loŋ be mboŋ n yili bumo nɛ e lɔŋɛ amo nɛ e sa na.”

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Ashuŋ Shunso 13:19

Keenan be kasawule so be efuli ashunu nɛ e shin nɛ a mur nseŋ ta kasawule na kikɛ n sa mbe basa na.

Joshuwa 14:1

Kananɛ b daŋ barga Keenan be kasawule nɛ k wɔ Jɔɔdan be epeŋitɔrkpa na n sa Israɛlebi na nde: Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ barga kumo to n sa basa na kikɛ.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 18:10

Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.

Joshuwa 20:1

Ndoŋ nna nɛ Enyɛnpe Ebɔrɛ kaŋɛ Joshuwa

Demujipoana 21:19

Kumo be kaman nɛ b bar le be nfɛra ere: “Enyɛnpe Ebɔrɛ na be kafɛ kafɛ be kachɛgboŋ na maaŋ naŋ chɛr nɛ b ji kumo ashi kade nɛ baa tre Shilo na.” Shilo daa dese kakpa nɛ baa tre Bɛtɛl na be kelargato be esoso be kaba so, nɛ Lebona be kelargato be kaseto be kaba so nna. Kumo alɛ nseŋ naa dese ekpa nɛ k wɔ Bɛtɛl nɛ Shɛkɛm be kefɛato be epeŋilarkpa na.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.

1 Samuɛl 1:3

Kafɛ kikɛ Ɛlkana daa shi Raama nna a yɔ Shilo n ya kaa bunyaŋ Enyɛnpetale na nsaa lara sarga a sa mo. Eli nɛ mbe mbinyɛnsobi anyɔ nɛ baa tre Hofni nɛ Finihas na e daa la bɔrɛmatapoana ashi ndoŋ.