Joshuwa 18:3 - EBƆRƐ BE KAWƆL

³ Ndoŋ nna nɛ Joshuwa kaŋɛ Israɛlebi na le: “Nchɛ afanɛ nɛ menyeeŋ sha nɛ men jo pɔɛŋ nseŋ ya sɔ kasawule nɛ Enyɛnpe nɛ e la men nananyɛnana be Ebɔrɛ na sa menyi na?

Joshuwa 18:3 ပူးပေါင်းရင်းမြစ်များ

Aŋasa 10:4

Ntɔl bee bar esa ketir nna, ama kepere kenishi n shuŋ bre bee shin nɛ esa bee dii dama nna.

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 15:19

Etɔlpo be ekpa to e kɔ ewi, ama esa nɛ e bee wora alela bre be ekpa to du fanɛ kegbembi nna.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Zefanaiya 3:16

Jemanɛ ko bee ba nɛ b kaŋɛ Jerusalɛmebi le: ‘Men sa maa ŋana kufu! Menyi alɛ e sa maŋ pɔ aba ŋko a yil chaam ŋkpal kufu so!

Matiu 20:6

Ta a ba fanɛ kaaseso kerfi anu be saŋɛ nɛ e lar ŋ kraa naŋ ya wu basa ko nɛ b yil. Nɛ e bishi bumo le: ‘Kare ka chɛ kikɛ manɛ nɛ men baa yil nfe a wora?’

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 13:1

Joshuwa ka bel na nɛ Enyɛnpe Ebɔrɛ kaŋɛ mo le: “Naniere bre fo bel ga, ama kasawule damta kraa wɔtɔ nɛ men sɔ.

Joshuwa 18:2

Israɛlebi be eyiri ashunu e daŋ ka nsaa maŋ nya bumo be kasawule be kachige.

Joshuwa 18:4

Men lara yiri kama to be benyɛn asa asa n sa ma nɛ n shuŋi bumo nɛ b ya dara kasawule na kikɛ nɛnɛ nseŋ wora kumo be kakpa nɛ baaŋ baa sha fanɛ k ki bumo be kapetɛ na be ndulgi be nwɔl. Kumo be kaman nɛ b bɛta m ba ŋ kutɔ.

Demujipoana 18:9

Nɛ b kaŋɛ: “Men shin nɛ an ya kɔ Layishebi na! An wu fanɛ kasawule na walɛ ga. Men sa maŋ shin nɛ an chena nfe jiga nsaa maa wora shɛŋ. Men shin nɛ an wora manaŋ n ya kɔ bumo n sɔ kasawule na.