Joshuwa 18:28 - EBƆRƐ BE KAWƆL

²⁸ Zela nɛ Helɛf nɛ Jerusalɛm nɛ k la Jebusiebi be kadegboŋ na, nɛ Gibia nɛ Kiriaf Jearim. Amo alɛ nɛ amo be ndewurbi daa la nde kuduana. Kasawule nɛ Bɛnjamin be yiri to ebi daŋ nya fanɛ bumo be kapetɛ nna na.

Joshuwa 18:28 ပူးပေါင်းရင်းမြစ်များ

2 Samuɛl 21:14

Sɔɔl mo tuto Kish be nchaŋ to ashi Zɛla nɛ k wɔ Bɛnjamin be kasawule so na nɛ b daŋ puli Sɔɔl nɛ Jonatan be awibi fanɛ kananɛ ewura Deevid kaŋɛ bumo fanɛ b wora na. Ade kikɛ be kaman nɛ Ebɔrɛ nu bumo be kabɔrɛkule nseŋ nɛfa bumo be kasawule nɛ akoŋ nɛ k daŋ tɔr na loge.

2 Samuɛl 5:6

Kachako nɛ ewura Deevid nɛ mbe basa yɔ nɛ b ya kɔ Jerusalɛmebi kena. Ama Jebusiebi nɛ b wɔ ndoŋ na bre daa fɛ nna fanɛ ewura Deevid maaŋ tiŋ m pɔɔ bumo so nseŋ kaŋɛ le: “Fo maaŋ tiŋ anyi kikɛ. Anyi to be etanpo nɛ ebobi gba beeŋ tiŋ ŋ kɔ m pɔɔ fo so.”

2 Samuɛl 5:8

Kumo be kamɔnchɛ na nɛ Deevid kaŋɛ mbe basa na le: “Menyi to be emo e kishi Jebusiebi ere n fo ma so? B maŋ fo ma kemɔ gba. Men bɔla kakpa nɛ b kur kemaŋ nɛ nchu bee bɔla kumo to a shile a choŋ na n ya kɔ basa nɛ b du fanɛ etanpo nɛ ebobi na.” Amoso nɛ b yili kumo fanɛ etanpo nɛ ebobi maa luri Enyɛnpe Ebɔrɛ be lambu to na.

1 Kronikɛls 8:28

Bumo kikɛ daa la kanaŋ to be benimu nna nɛ bumo nananyɛnana daŋ chena Jerusalɛm.

Aizaaya 10:29

pɔɛŋ nseŋ dii ketaŋɛ na n ya dese Gɛba ŋklade! Kufugboŋ ko daŋ tɔr basa nɛ b wɔ kade nɛ baa tre Rama na so nna, nɛ basa nɛ b wɔ Gibiya, nɛ k la Ewura Sɔɔl be kade to na, shile ŋ ka kade na.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Nɔmbɛs 26:38

Bɛnjamin be yiri to be mbuna e daa la Bɛlla nɛ Ashbel nɛ Ahiram,

Nɔmbɛs 26:54

To beri m barga kasawule na to, nseŋ ta agboŋgboŋi n sa eyiri nɛ amo be basa shishi na, n ta awurbi n sa eyiri nɛ amo be basa maŋ shishi na.”

Nɔmbɛs 33:54

Men to beri n chige kasawule na to n sa eyiriana na be mbuna mbunaana na. Men ta kasawule nɛ k shibi ga n sa kabuna kama nɛ kumo be basa shibi nseŋ ta kasawule nɛ k maŋ shibi malɛ n sa kabuna kama nɛ kumo be basa maŋ shibi.

Joshuwa 15:63

Judaebi na daŋ maŋ tiŋ n ju Jebusiebi nɛ b wɔ Jerusalɛm na bre. Ŋkpal loŋ so Jebusiebi nɛ Judaebi na e kraa tase hale kabre.

Joshuwa 15:8

nseŋ naŋ bɔla Bɛn Hinnɔm be ketaŋɛ nɛ k dese kebee nɛ Jebusiebi be kade nɛ baa tre Jerusalɛm na tase so na be kelargato be kaseto be kaba so. Ndoŋ nɛ k yili n dii kebee nɛ k wɔ Hinnɔm be ketaŋɛ na be epeŋitɔrkpa be kaba so na be esoso ashi Refaebi be ketaŋɛ na be kelargato be esoso be kaba so,

Joshuwa 18:16

nseŋ naŋ yili ndoŋ n yɔ kebee nɛ k shoŋi Bɛn Hinnɔm be ketaŋɛ, nsaa wɔ Refaebi be ketaŋɛ na malɛ be kelargato be esoso be ekarso na be kifito, nseŋ kilgi n sɔ kelargato be kaseto be kaba so m bɔla Hinnɔm be ketaŋɛ na to ashi Jebusiebi be kebee so a laŋɛ En Rogɛl be kaba so,

Joshuwa 18:27

Rekɛm nɛ Irpɛl nɛ Tarala nɛ

Joshuwa 19:1

Simiɔn be yiri to ebi nɛ b la yiri nyɔsopo nɛ b chige kasawule n sa na be kasawule be kananɛ k dese nde. Bumo be kasawule na dese n ya luri Juda be yiri to ebi be kasawule to nna.

Demujipoana 1:21

Ama Bɛnjamin be yiri na bre daŋ maŋ tiŋ n ju Jebusebi nɛ b daa wɔ Jerusalɛm to na, ŋkpal loŋ so Bɛnjaminebi na nɛ bumo e wɔtɔ hale nɛ kabre.

Demujipoana 19:10

Ama kanyɛn na daa maŋ naa sha kedi ndoŋ, nɛ mo nɛ mo jipoche nɛ bumo be kayɛrbi kre asɔ n deŋi ekurma anyɔ na so nseŋ fara a yɔ. B ka ya kaa fo kade nɛ baa tre Jebus, kumo koŋwule na e la Jerusalɛm na, nɛ kaase bee fo. Nɛ kanyɛn na be kayɛrbi na kaŋɛ mo le: “Men shin nɛ an dese Samsɔn be basa ere kutɔ n wushi.”

1 Samuɛl 10:26

Ndoŋ nna nɛ Ebɔrɛ malga n sa benapo lempo ko nɛ b ber ŋgbene n shuŋi Sɔɔl n yɔ Gibia.