Joshuwa 17:18 - EBƆRƐ BE KAWƆL

¹⁸ Abee so be kasawule na be kaba so beeŋ baa la menyeya. K la kupo nna bre ama men ya lɔŋɛ ndoŋ n chena. Kashenteŋ nna fanɛ Keenanebi na kɔ anyembi be egbaŋɛturko nsaa kɔ eleŋ, ama menyeeŋ tiŋ n ju bumo kasawule na so.”

Joshuwa 17:18 ပူးပေါင်းရင်းမြစ်များ

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

2 Samuɛl 18:6

Kede be kaman nɛ Deevid be benapo na lar n yɔ kupo nɛ baa tre Efrayim na to n ya kɔ Absalɔm be benapo kena.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”

Joshuwa 13:6

Sidɔnebi nɛ b wɔ abee be efuli so ashi Lebanɔn be abeegboŋ nɛ Misrefɔf Mayim be kefɛato na gba be efuli ti so. Meeŋ ju le be basa ere kikɛ ashi efuli na so, nɛ fo barga bumo be kasawule na to n sa Israɛlebi na, fanɛ kananɛ ŋ ŋini fo na gbagba chap.

Joshuwa 15:9

nseŋ naŋ yili ndoŋ m bɔla Nɛftowa be mbombi na to n ya lar ndegboŋ nɛ a mata Efrɔn be kebeegboŋ na, nseŋ yili ndoŋ ŋ kilgi n sɔ Baala nɛ baa tre Kiriaf Jearim na.

Joshuwa 17:17

Nɛ Joshuwa kaŋɛ Efrayim nɛ Manase be yiri to ebi na le: “Ŋkpal men ka shibi nsaa kɔ eleŋ so, menyi be kasawule be kachige beeŋ ba shibi.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.