Joshuwa 14:13 - EBƆRƐ BE KAWƆL

¹³ Ndoŋ nna nɛ Joshuwa nɛfa Jefune pibi Kalɛb nseŋ ta Hibrɔn be kade na n sa mo fanɛ mbe kapetɛ.

Joshuwa 14:13 ပူးပေါင်းရင်းမြစ်များ

Jɛnesis 47:10

Kamalga na be kaman nɛ Jeekɔb naŋ nɛfa ewura Fɛɛro nseŋ lar mo kutɔ.

Jɛnesis 47:7

Kumo be kaman nɛ Josɛf keta mo tuto Jeekɔb m ba ŋini ewura Fɛɛro, nɛ Jeekɔb nɛfa Fɛɛro.

2 Samuɛl 2:1

Ade kikɛ be kaman nɛ Deevid bishi Enyɛnpe Ebɔrɛ le: “K daga fanɛ n yɔ Juda be ndeana ere be kuko to a?” Nɛ Enyɛnpe Ebɔrɛ shuli so ŋ kaŋɛ: “Mm!” Nɛ Deevid naŋ bishi le: “Kade mo e daga ŋ ka yɔ?” Nɛ Enyɛnpe Ebɔrɛ kaŋɛ: “Yɔ Hibrɔn!”

1 Kronikɛls 6:4

Eliaza be kaman to ebi e la Finihas nɛ Abishuwa

Nehemaya 11:25

Basa na be beko daa wɔ ndegboŋ nɛ a mata bumo be ndɔana to na nna. Juda be yiri to ebi daa wɔ Kiriaf Aba nɛ Dibɔn nɛ Jekabzeel nɛ

Sɔlɔmɔn 6:9

fo nawule nɛ meeŋ lara. Fo e walɛ fanɛ lepɔ, nsaa la fo nio pibiche koŋwule. Fo nɛ bechefɔlbi nɛ bewurche nɛ bekama bee kpaŋ, a boŋ nshɛ a fur fo.

Joshuwa 14:14

Amoso Hibrɔn kraa la Kalɛb be kaman to ebi peya nna, ŋkpal e ka nu n sa Enyɛnpe nɛ e la Israɛl be Ebɔrɛ na kagbene koŋwule so so.

Joshuwa 15:13

Joshuwa daŋ bɛ kusɔ nɛ Enyɛnpe Ebɔrɛ kaŋɛ mo na so nna nseŋ ta Juda be kasawule na be kaba n sa Jefune pibi Kalɛb. E daŋ nya Hibrɔn nɛ k la Aba be kade na nna. (Aba be kaman to ebi e daa la basa tenteŋ gboŋgboŋi nɛ baa tre Anakebi na)

Joshuwa 22:6

Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.

Demujipoana 1:20

Judaebi na daŋ ta kade nɛ baa tre Hibrɔn na nna n sa Kalɛb nɛ e kɔ n ju Anak be mbinyɛnsobi asa na kumo to fanɛ kananɛ Mosis daŋ nase kɔnɔ n sa bumo na.

1 Samuɛl 1:17

Nɛ Eli kaŋɛ le: “Israɛl be Ebɔrɛ na e wora kusɔ kama nɛ fo kule mo ere n sa fo. Ebɔrɛ e yɛr fo nɛ alenfia.”

1 Samuɛl 30:14

An ta kena nna n ya tu Chereti be basa nɛ b wɔ Juda be efuli so be kelargato be kaseto be kaba so na nɛ Kalɛb be kanaŋ to ebi be kaba so nseŋ chɔɔ Ziklag.”

1 Samuɛl 30:31

nɛ Hibrɔn be kade to ebi kikɛ nna, nseŋ ta mboŋ kama nɛ mo nɛ mbe basa daŋ kilgi to n yɔ na kikɛ n ti so.