Joshuwa 13:25 - EBƆRƐ BE KAWƆL

²⁵ Bumo alɛ be kasawule daŋ yili Jaza nɛ Giliad be kasawule so be ndegboŋ na kikɛ nɛ Ammɔn be kasawule be bargato n ya fo Arowa nɛ k wɔ Raaba be epeŋilarkpa be kaba so na nna.

Joshuwa 13:25 ပူးပေါင်းရင်းမြစ်များ

2 Samuɛl 11:1

Dɔchubɔrɛso, saŋɛ nɛ bewura bee lar a yɔ kena to na, nɛ Deevid daŋ shin nɛ Jɔab juŋkpar Israɛlebi be benapo na kikɛ, nɛ b ya kɔ m pɔɔ Ammɔnebi na so nseŋ kulti bumo be kadegboŋ nɛ baa tre Raaba na n wɔtɔ. Ama Deevid bre gbagba daa wɔ Jerusalɛm to nna.

2 Samuɛl 12:26

Loŋ be saŋɛ na nɛ Jɔab daa kɔ Raaba nɛ k la Ammɔn be kadegboŋ na nsaa sha kesɔ kumo.

2 Samuɛl 24:5

B daŋ ya dii Jɔɔdan be Lɔr na nna n ya wora bumo be keeyito m mata kade nɛ baa tre Arowa nɛ k wɔ ketaŋɛ nɛ k wɔ Gad be kaba so na nna. Ndoŋ nɛ b yili n sɔ kelargato be esoso be kaba so n yɔ Jeza.

1 Kronikɛls 26:31

Jeriya e daa la Hibrɔn be kaman to ebi be ejuŋkparpo. Deevid ka daŋ ji kuwura na be kafɛ adenasopo to nɛ b keni Hibrɔn be kaman to ebi to nɛnɛ n wu fanɛ benapo lempo ko shi kanaŋ na to a wɔ Jaza ashi Giliad be kasawule so.

1 Kronikɛls 6:81

nɛ Hishbɔn nɛ Jaaza n ta amo be asɔbɔya be ejikpa be nsawule n ti so.

Aizaaya 16:8

Bumo be adɔ nɛ a mata Hɛshbɔn na nɛ ewaindibi be adɔana nɛ a wɔ Sibma na mur. Loŋ be adɔana na to be afeelebi be asɔrso nɛ b daa ta a wora yabra a sa efuli na so be bewura nɛ baa nu. Jemanɛ ko afeelebi na daŋ salga to loŋ hale n ya fo kadegboŋ nɛ baa tre Jaza, nɛ keshishɛrsawule so ashi epeŋilarkpa be kaba so, nɛ Teku Wuso na be kaba ndoŋ ashi epeŋitɔrkpa be kaba so nna.

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Jɛremaya 48:32

Ma alɛ beeŋ shu n sa basa nɛ b wɔ kade nɛ baa tre Sibma nseŋ shu a chɔ loŋ n sa basa nɛ b wɔ kade nɛ baa tre Jaza na. Fo, kadegboŋ Sibma du fanɛ kefeelebi nɛ kumo be ayabi salga to n ya fo Teku Wuso na ashi epeŋitɔrkpa be kaba so hale n ya fo Jaza nna. Ama naniere fo asɔrso nɛ baa tre greeps nɛ fee sɔr kechali so na mur.

Ezikɛl 21:20

a ŋini ekpa nɛ k bee yɔ Ammɔnebi be kadegboŋ nɛ baa tre Raba na, nɛ kumo nɛ kumo alɛ bee yɔ Juda be kadegboŋ nɛ baa tre Jerusalɛm nɛ b pɔr egbal ŋ kulti kumo na; nɛ Babilɔn be ewura na e bɔla so n yɛr mbe tokobi na.

Eemɔs 1:14

Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Nɔmbɛs 21:32

nɛ Mosis shuŋi benyɛn ko fanɛ b ya keni kananɛ baaŋ wora ŋ kɔ kade nɛ baa tre Jeeza na kena. Kumo be kaman nɛ Israɛlebi na ya kɔ kade na kena n sɔ kumo nɛ ndewurbi nɛ a kulti kumo na, nseŋ ju Amɔriebi nɛ b wɔ ndoŋ na.

Nɔmbɛs 32:35

Atrɔf Shofan nɛ Jeeza nɛ Jogbeha

Ditɛronɔmi 2:19

Menyeeŋ taga Ammɔnebi nɛ b la Lɔt be kaman to ebi na be kasawule to, ama men sa maŋ kaŋ tɔrɔ bumo ŋko n fara kena nɛ bumo; ŋkpal manɛ so, m maaŋ ta kasawule nɛ n ta n sa bumo na be kaba kama n sa menyi.”

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

Joshuwa 13:11

N ta Giliad nɛ Gɛshur nɛ Maaka nɛ kebeegboŋ nɛ baa tre Hɛɛmɔn na nɛ Bashan hale n ya fo Saleka kikɛ.

Joshuwa 13:24

Mosis daŋ barga kasawule na be kaba n sa Gad be yiri to ebi gba fanɛ k ki bumo be kapetɛ.

Joshuwa 13:26

Nseŋ naŋ yili Hishbɔn gba n ta n yɔ Ramaf Mispa nɛ Bɛtonim kikɛ, nseŋ naŋ yili Mahanaim gba hale n ya fo Lodiba be kasawule be ekar kikɛ,

Joshuwa 21:39

nɛ Heshbɔn nɛ Jaza, n ta amo be asɔbɔya be ejikpa be nsawule n ti so.

Demujipoana 5:17

Gad be yiri to ebi daŋ chena lɔr nɛ baa tre Jɔɔdan na be epeŋilarkpa nna, nɛ Dan be yiri to ebi malɛ daŋ shir a wɔ bumo be nchuso be ekuloŋgboŋ ase. Ashɛr be yiri to ebi malɛ daŋ chena teku be kɔnɔ nna; nseŋ shir a wɔ kepla so ndoŋ.