Joshuwa 11:22 - EBƆRƐ BE KAWƆL

²² Anakebi na be ekama daa maŋ naa wɔ Israɛl be efuli so. Gaaza nɛ Gaaf nɛ Ashdɔd nawule nɛ beko daa wɔ.

Joshuwa 11:22 ပူးပေါင်းရင်းမြစ်များ

1 Bewura 2:39

Kumo be nfɛ asa be kaman nɛ Shimei be anya be benyɔ shile n yɔ Maaka pibinyɛn Akish nɛ e la kade nɛ baa tre Gaaf na be ewura na kutɔ,

1 Kronikɛls 18:1

Kede be kaman be jemanɛ ko ewura Deevid naŋ lɔŋɛ n ya kɔ Filistiebi na kena nna nseŋ pɔɔ bumo so. E daŋ kɔ n sɔ Gaf be kade nɛ ndewurbi nɛ a kulti kumo na kikɛ nna.

1 Kronikɛls 8:13

Bɛriya nɛ Shema e daa la kanaŋ nɛ b chena Aijalɔn na be benimu. Bumo e ju basa nɛ b wɔ Gaaf be kasawule so na.

2 Kronikɛls 26:6

Ewura Uziya daŋ ya kɔ Filistiebi na kena nna nseŋ da Gaaf nɛ Jamnia nɛ Ashdɔd be nde na kikɛ be egbalana n lɛ. Kumo be kaman nɛ e wora nde popɔr m mata Ashdɔd nseŋ pɔr egbalana ŋ kulti amo nɛ Filisti be efuli so be nde ko.

Aizaaya 20:1

Asiriya be efuli so be ewurgboŋ nɛ baa tre Saagɔn na e daŋ kaŋɛ mbe benapo be ejuŋkparpo fanɛ e ya kɔ n sɔ Filistiebi be kadegboŋ nɛ baa tre Ashdɔd na.

Ashuŋ Shunso 8:40

Azotas nɛ Filip daŋ wu fanɛ Kiyoyu na yɛr mo nɛ e yɔ nde na kikɛ to n ya kaa bɔ baru lela na n ya fo Sizariya.

Ditɛronɔmi 2:23

Katuŋ ko ebi nɛ baa tre Avvim na e daa wɔ ndekarso nɛ a dese hale n ya lar kadegboŋ nɛ baa tre Gaaza na ashi epeŋilarkpa kaba so ndoŋ, nɛ Filistiebi nɛ b daa wɔ kepla nɛ baa tre Kriit na ba m ba mɔ bumo nseŋ sɔ kasawule na n chena so.)

Ditɛronɔmi 9:2

Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.

Joshuwa 10:41

Joshuwa daŋ kɔ m pɔɔ efuliana nɛ a yili Kadɛsh Bania nɛ k wɔ kelargato be kaseto be kaba so n ya fo Gaaza nɛ k wɔ teku be kɔnɔ ase, n ta Goshen be efuli kikɛ n ti so hale n ya fo Gibiɔn nɛ k wɔ kelargato be esoso be kaba so na so nna.

Joshuwa 15:14

Ndoŋ nna nɛ Kalɛb ju Anak be kaman to ebi na ashi Hibrɔn be kade to. Bumo e daa la Shishai nɛ Ahiman nɛ Talmai be mbuna na.

Joshuwa 15:46

Nɛ ndegboŋi nɛ awurbi nɛ a mata Ashdɔd na kikɛ. K baŋ yili Ekrɔn nna hale n ya fo teku nɛ baa tre Mɛditerenia na,

Joshuwa 15:47

n ta Ashdɔd nɛ Gaaza nɛ amo be ndegboŋ nɛ awurbi hale n ya fo kabombi nɛ k wɔ Ijipt be kasawule be ekar na, n ta nde nɛ a wɔ Mɛditerenia be Teku ase na kikɛ n ti so.

Demujipoana 1:18

Judaebi na daŋ naŋ kɔ m pɔɔ ndegboŋ nɛ baa tre Gaaza nɛ Ashkɛlɔn nɛ Ekrɔn na nɛ nsawule nɛ a mata amo be kekama na so nna.

Demujipoana 3:3

Basa pɔtɛ nɛ Enyɛnpe Ebɔrɛ na daŋ shin nɛ b ka kasawule na so na e daa la Filistiebi be ndegboŋ anu nɛ Keenanebi kikɛ nɛ Sidɔnebi nɛ Hivebi nɛ b daa wɔ Lebanɔn be abee nɛ yili kebee nɛ baa tre Baal Hɛɛmɔn na n ya fo kakpa nɛ baa tre Hamat be kɔnɔ to na so na.

1 Samuɛl 17:4

Kanyɛn ko nɛ baa tre Goliɛf nɛ e shi Gaaf be kade to daŋ lar Filistiebi na be keeyi to nna m ba kaa to Israɛlebi na emaŋ. E daa shibi a chɔ dimɛdi kikɛ nɛ mbe nteŋ daa sa fanɛ ayadra akpanu nɛ gbrɛbi,

1 Samuɛl 5:1

Filistiebi na ka sɔ Ebɔrɛ be ŋkre be deka na nɛ b ta kumo ashi Ebeneeza n yɔ Ashdɔd bumo be kade to,