Joshuwa 10:40 - EBƆRƐ BE KAWƆL

⁴⁰ Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 10:40 ပူးပေါင်းရင်းမြစ်များ

1 Bewura 15:29

Baasha ka baŋ ji kuwura nɛ e mɔ Jeroboam be kanaŋ to be basa kikɛ, nɛ kusɔ nɛ anebi Ahija nɛ e shi Shilo na daŋ kaŋɛ fanɛ, Jeroboam be kanaŋ to be esa kama maaŋ pete na bɔlɔ so.

Nehemaya 9:24

Ade kikɛ be kaman nɛ bumo nanaana kɔ n suge Keenanebi be kasawule. Fo e daŋ chɛ bumo to nɛ b kɔ m pɔɔ bewuraana nɛ efuli pɔtɛana so. Fo e shin nɛ b tiŋ n wora bumo doŋana kusɔ kama nɛ baa sha kikɛ.

Nshɛ 9:17

Belubiworapo bee yɔ luwu to nna, nɛ b ya tu efuli pɔtɛana so ebi nɛ b kini fo na.

Ɛksodɔs 34:12

Ama men baa da so nɛ menyi nɛ kasawule na so be basa e sa maŋ kaŋ wora kɔnɔkoŋwule be ŋkre kikɛ. Ŋkpal manɛ so, nɛ men wora loŋ, k beeŋ ki katiyɛ lubi m pɛ menyi.

Nɔmbɛs 13:17

Pɔɛŋ nɛ Mosis shuŋi bumo Keenan be kasawule so na, le nɛ e daŋ kaŋɛ bumo: “Men yili nfe m bɔla Keenan be keshishɛrsawule na be kelargato be kaseto be kaba so n sɔ to kelargato be esoso be kaba so n ya luri kebee be efuli na so.

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 2:34

Kumo be kaman, nɛ an kɔ m pɔɔ nde nɛ a wɔ Ewura Sihɔn be kasawule so kikɛ m mur amo, nseŋ mɔ benyɛn nɛ beche nɛ mbia kikɛ. Anyi daa maŋ shin nɛ esa koŋwule gba ji efute.

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Joshuwa 10:35

Kumo be kamɔnchɛ gbagba nɛ b kɔ m pɔɔ kade na so nseŋ mɔ basa nɛ b wɔ kumo to kikɛ fanɛ kananɛ b daŋ wora Lakish na gbagba chap.

Joshuwa 10:37

m pɔɔ kumo so nseŋ mɔ kumo be ewura nɛ basa nɛ b wɔ kade na to nɛ ndewurbi nɛ a mata kumo na be basa kikɛ. Joshuwa daŋ mur kade na kikɛ nna fanɛ kananɛ e daŋ wora Iglɔn na. Esa kama daa maŋ ji efute kumo to.

Joshuwa 10:39

m pɔɔ kumo nɛ kumo be ewura nɛ ndewurbi nɛ a kulti kumo na kikɛ so nseŋ mɔ basa nɛ b wɔ ndoŋ na kikɛ. Kananɛ Joshuwa daŋ wora Libna nɛ Hibrɔn nɛ amo be bewura na koŋwule nɛ e wora Debir gba nɛ kumo be ewura.

Joshuwa 11:16

Joshuwa daŋ kɔ n sɔ efuli nɛ a wɔ abee nɛ a wɔ kelargato be esoso nɛ kaseto na kikɛ, nɛ Goshen be kasawule kikɛ, nɛ keshishɛrsawule nɛ k wɔ Goshen be kelargato be kaseto be kaba so na, n ta n ya fo Jɔɔdan be ketaŋɛ na kikɛ nna.

Joshuwa 12:8

Loŋ be kasawule na e daa la abee be efuli so, nɛ epeŋitɔrkpa be abee so, nɛ Jɔɔdan be ketaŋɛ nɛ kumo be abee so, nɛ abee be agbelge nɛ a wɔ epeŋilarkpa na, nɛ keshishɛrsawule nɛ k wɔ kelargato be kaseto be kaba so na. A daa la Hitebi nɛ Amɔriebi nɛ Keenanebi nɛ Pɛrizebi nɛ Jebusiebi nɛ Hivebi be nsawule nna.

Joshuwa 18:21

Nde nɛ a la Bɛnjamin be yiri to ebi peya na e la Jɛriko nɛ Bɛf Hogla nɛ Emɛk Keziz nɛ

Joshuwa 6:17

Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.

Joshuwa 8:2

Kananɛ men baŋ wora Jɛriko nɛ kumo be ewura na, loŋ gbagba nɛ mee sha men ka wora Ai nɛ kumo be ewura, ama menyeeŋ tiŋ n ta bumo ere be asɔ nɛ asɔbɔya ŋ ki menyeya naniere bre. Shin nɛ benapo na be beko e wora shiriya n ya ŋana kupuŋ to kade na be ekarso a jo nɛ b kɔ kade na to ebi kena.”

Joshuwa 8:27

Israɛlebi na daŋ ta bumo be asɔbɔya nɛ bumo be asɔ kikɛ nna, ŋkpal manɛ so, loŋ nɛ Enyɛnpe Ebɔrɛ kaŋɛ Joshuwa fanɛ b wora.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.