Joshuwa 10:26 - EBƆRƐ BE KAWƆL

²⁶ Nɛ Joshuwa mɔ bewura na nseŋ shin nɛ b chɛ bumo kikɛ n shiga ndibi anu so. Ekama nɛ kedibi nɛ b chɛ mo n shiga so, hale n ya fo kaaseso. Ekama nɛ kedibi nɛ b chɛ mo n shiga so.

Joshuwa 10:26 ပူးပေါင်းရင်းမြစ်များ

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

2 Samuɛl 21:9

Bumo nɛ Deevid daŋ ta n sa Gibiɔnebi na nɛ b ya chɛ efɔl ashi kebee so be kakpa nɛ baa bunyaŋ Enyɛnpe Ebɔrɛ na nɛ bumo basa ashunu na kikɛ wu kachɛ koŋwule, saŋɛ so nɛ b baŋ fara a buri akoŋboyu na.

Ɛsta 2:23

B ka lara basa nɛ b lege kesheŋ na to n ya wu fanɛ k la kashenteŋ nna nɛ b chɛ basa anyɔ na efɔl n shiga ndibi so. Ndoŋ nna nɛ ewura na shin nɛ b yili mbe anishi to n sibɛ loŋ be kesheŋ na n wɔtɔ bumo be adrasheŋ be nwɔl to nɛ k baa la kanyiŋi.

Nshɛ 149:7

nɛ b ya kɔ m pɔɔ efuli pɔtɛana be basa so ŋ gberge bumo kusoe;

Nshɛ 18:41

B daa yɛla kenishi to nna a fin kechɛto; ama esa kama maŋ mɔlga bumo, nɛ b shu n tre Enyɛnpe Ebɔrɛ; ama e daa maŋ tuge bumo.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”

Baru lela nɛ Jɔn kute na 19:31

Kumo be kachɛ na daa la Kebelaseachɛ nna nɛ kumo be ŋklade malɛ daa la Kewushiachɛgboŋ ko. Ŋkpal Juwebi na malɛ ka daa maa sha basa nɛ b daŋ gbir m mata ndibi na so be eyurana na ka shir a wɔ ndibi largatoana na so ŋkpal kewushiachɛ na so, b daŋ ya kaŋɛ Pailat nna fanɛ e shin nɛ b buri m buri basa na be aya nseŋ lara n lara bumo be eyurana na ndibi largatoana na so.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.

Demujipoana 8:21

Ndoŋ nna nɛ Zeba nɛ Zalmuna kaŋɛ Gidiɔn le: “Fo gbagba e ba mɔ anyi, ŋkpal manɛ so, enyɛn bre la enyɛn nna.” Nɛ Gidiɔn mɔ bumo nseŋ lara shuwa be asɔ nɛ b ta n wɔtɔ bumo be ekurma be abɔ to na.

1 Samuɛl 15:33

Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.