Joshuwa 10:20 - EBƆRƐ BE KAWƆL

²⁰ Ndoŋ nna nɛ Joshuwa nɛ Israɛlebi na mɔ basa na ga, ama bumo be beko bre daŋ shile nna n ya luri bumo be kade nɛ b pɔr egbal ŋ kulti na to nɛ b maŋ nya bumo m mɔ.

Joshuwa 10:20 ပူးပေါင်းရင်းမြစ်များ

2 Samuɛl 20:6

Nɛ ewura na kaŋɛ Abishai le: “Bikri pibinyɛn Shɛba beeŋ tɔrɔ anyi a chɔ Absalɔm. Amoso, ya keta ma benapo lempo na n ju m bɛ mo so, nɛ e maaŋ nya ekpa n luri kade nɛ b pɔr egbal ŋ kulti na to ŋ ŋana anyi so.”

1 Bewura 20:21

Nɛ ewura Ahab nɛ mbe benapo ju m buu Siriya be benapo na so n ya mɔ bumo be bedamta nseŋ sɔ bumo be egbaŋɛ nɛ egbaŋɛturko na kikɛ.

2 Kronikɛls 13:17

Ewura Abija nɛ mbe benapo daŋ kɔ m pɔɔ Israɛlebi na so nna nseŋ mɔ bumo be benapo ŋgboŋ alfa anu kikɛ.

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Ditɛronɔmi 20:16

Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

Joshuwa 10:19

ama menyi ere e sa maŋ shir a wɔ ndoŋ. Men bɛ men doŋana na so a kɔ bumo, nɛ b sa maŋ nya ekpa m bɛta n yɔ bumo be nde nɛ b pɔr egbal ŋ kulti na to. Ŋkpal manɛ so Enyɛnpe menyi be Ebɔrɛ na shin nɛ men teŋ kɔ m pɔɔ so.

Joshuwa 10:21

Israɛl be benapo na bre daŋ bɛta nɛ alenfia nna m ba Joshuwa kutɔ ashi Makɛda be keeyi to. Basa nɛ b wɔ efuli na so na malɛ be ekama daa ŋana kenaŋ m malga kamalga lubi ŋ gbiti Israɛlebi na nna.

Joshuwa 11:12

Joshuwa daŋ kɔ m pɔɔ nde na kikɛ nɛ amo be bewura so nna nseŋ mɔ basa nɛ b wɔ amo to kikɛ fanɛ kananɛ Enyɛnpe Ebɔrɛ be kayɛrbi Mosis daŋ kaŋɛ mo fanɛ e wora na.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 8:24

Israɛlebi na daŋ mɔ Ai be basa kama nɛ b daŋ ju m buu bumo so n yɔ keshishɛrsawule na so na kikɛ nseŋ bɛta n yɔ Ai be kade na to n ya mɔ bekama nɛ b ka ndoŋ malɛ.