Joshuwa 10:2 - EBƆRƐ BE KAWƆL

² Nɛ kumo be loŋ shin nɛ kufu pɛ Jerusalɛmebi na ga, ŋkpal manɛ so, Gibiɔn gba daa la kadegboŋ nna fanɛ nde nɛ a kɔ bewura na. K daa shi a chɔ Ai nɛ kumo be basa malɛ daa la benapo lempo ga.

Joshuwa 10:2 ပူးပေါင်းရင်းမြစ်များ

2 Samuɛl 12:26

Loŋ be saŋɛ na nɛ Jɔab daa kɔ Raaba nɛ k la Ammɔn be kadegboŋ na nsaa sha kesɔ kumo.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Ditɛronɔmi 28:10

Saŋɛ na so, durnya be basa kikɛ beeŋ wu fanɛ Enyɛnpe Ebɔrɛ na e lara menyi nɛ men baa la mbe basa. Bumo alɛ beeŋ baa ŋana menyi.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Joshuwa 9:3

Ama Gibiɔnebi na ka nu kusɔ nɛ Joshuwa wora Jɛriko nɛ Ai na,

1 Samuɛl 27:5

Ndoŋ nna nɛ Deevid kaŋɛ Akish le: “Nɛ fanɛ n la fo teri kashenteŋto nna, kumo ere fo sa ma kade ko nɛ k mata nfe nɛ n ya ka wɔ ndoŋ, ŋkpal manɛ so, k maŋ daga fanɛ ma nɛ fo kikɛ e baa wɔ kadegboŋ nɛ fo chena ere to.”