Joshuwa 1:6 - EBƆRƐ BE KAWƆL

⁶ Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 1:6 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

1 Bewura 2:2

“Ma luwu bee taga to, amoso nya eleŋ nɛ kagbene,

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 28:10

Baa nyi fanɛ Enyɛnpe Ebɔrɛ na e lara fo fanɛ fo pɔr mbe bɔrɛlambu cheembi na n sa mo. Amoso a daga fo ka nya kagbene m pɔr kumo nɛnɛ.”

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

2 Kronikɛls 20:11

Kukɔ nɛ baa ka anyi a tal to nna na. B ba nɛ b ba ju anyi ashi kasawule nɛ fo ta n sa anyi na so nna.

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

Nɔmbɛs 26:53

“Yili kananɛ eyiri na be keshi sa so m barga kasawule na to n sa bumo.

Nɔmbɛs 33:53

Men sɔ kasawule na kikɛ n chena so, ŋkpal manɛ so, ma e naa ta kumo a sa menyi.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Joshuwa 1:18

Ekama nɛ e kini kebɛ fo mmalga nɛ kusɔ kama nɛ fo kaŋɛ so, daga luwu nna. Kusɔ nɛ k wɔtɔ e la fanɛ baa leŋ fo kumu to nsaa kɔ kagbene.”

Joshuwa 1:7

Leŋ fo kumu to nsaa kɔ kagbene nɛ kenyɛn. Wora ania a bɛ mbra nɛ ma kayɛrbi Mosis sa fo na so. Sa maŋ kaŋ yige mbra na be kedosobi gba n lɛ. Nɛ fo wora loŋ bre kaplɛkama nɛ fo yɔ, asheŋ beeŋ baa nyalɛ, a sa fo.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 10:25

Kumo be kaman nɛ Joshuwa kaŋɛ benapo be benimuana na le: “Men sa maa lɔ kufu ŋko a pɔ aba. Men leŋ men be amu to nsaa kɔ kagbene, ŋkpal manɛ so le nɛ Enyɛnpe Ebɔrɛ na beeŋ wora men doŋana kikɛ.”

Joshuwa 13:6

Sidɔnebi nɛ b wɔ abee be efuli so ashi Lebanɔn be abeegboŋ nɛ Misrefɔf Mayim be kefɛato na gba be efuli ti so. Meeŋ ju le be basa ere kikɛ ashi efuli na so, nɛ fo barga bumo be kasawule na to n sa Israɛlebi na, fanɛ kananɛ ŋ ŋini fo na gbagba chap.

Joshuwa 18:3

Ndoŋ nna nɛ Joshuwa kaŋɛ Israɛlebi na le: “Nchɛ afanɛ nɛ menyeeŋ sha nɛ men jo pɔɛŋ nseŋ ya sɔ kasawule nɛ Enyɛnpe nɛ e la men nananyɛnana be Ebɔrɛ na sa menyi na?

Joshuwa 21:43

Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.

1 Samuɛl 4:9

Amoso Filistiebi men shin nɛ an baa kɔ kenyɛn nsaa kɔ kena fanɛ benyɛn! Nɛ manɛ aloŋ Israɛl be basa ere beeŋ pɔɔ anyi so nseŋ ta anyi ŋ ki bumo be anya.”