Joshuwa 1:4 - EBƆRƐ BE KAWƆL

⁴ Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Joshuwa 1:4 ပူးပေါင်းရင်းမြစ်များ

1 Bewura 10:29

Gbiti be ndarbi alfa ashe nɛ b daŋ tɔ mbe gbaŋɛturko na be kekama nseŋ tɔ gbaŋɛ kama malɛ gbiti be ndarbi kalfa nɛ adunu. Ijiptebi e daa fa egbaŋɛ nɛ egbaŋɛturko a sa Hitebi nɛ Siriyaebi be bewura gba.

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 5:9

Ŋkpal b ka daa kɔ asɔbɔya damta ashi Giliad be kasawule so so, b daŋ chena nna hale n ya fo keshishɛrsawule nɛ k dese a laŋɛ Yufreetes be Lɔr na be epeŋilarkpa be kaba so na.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.

Ditɛronɔmi 3:25

Jande, Enyɛnpe Ebɔrɛ, shin nɛ ma alɛ gba e dii Jɔɔdan be lɔr na n ya wu kasawule lela nɛ k dese kaba ndoŋ na; kumo e la kepreŋsawule lela na, nɛ Lebanɔn be abeegboŋ na.”

Kelaraŋŋini 9:14

ŋ kaŋɛ malaika shesopo nɛ e daa kɔ kabel to na le: “Shin nɛ emalaika ana mo nɛ b kre lɔrgboŋ nɛ baa tre Yufreetes akpa na e nya bumo be amu n yɔ.”