Jona 4:11 - EBƆRƐ BE KAWƆL

¹¹ Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”

Jona 4:11 ပူးပေါင်းရင်းမြစ်များ

Jɛnesis 9:10

nɛ kusɔ futeso kama nɛ menyi nɛ kumo daa wɔ kuloŋgboŋ na to na, fanɛ mbuibiana nɛ asɔbelasoana nɛ kupuŋ to be asɔbɔyaana nɛ asɔ futeso kama nɛ menyi nɛ amo daŋ shi kuloŋgboŋ na to n lar a wɔ durnya to na kikɛ.

Nshɛ 104:14

Fo alɛ e naa shin nɛ afitiri bee kɔr nɛ kowu be asɔbɔya bee nya a ji, nɛ dimɛdi malɛ bee duu asɔ kasawule so a nya ajibi a ji,

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 37:37

Ndoŋ nna nɛ Asiriya be ewurgboŋ, Sennakerɛb bɛta n yɔ mbe ewurkpa ashi Asiriya be efuli so be kadegboŋ nɛ baa tre Ninɛve na.

Aizaaya 7:16

Ama pɔɛŋ nɛ loŋ be jemanɛ malɛ e fo, bewura anyɔ nɛ fee ŋana na be nsawule beeŋ mur a dese fuloŋ.

Jona 1:2

“Yɔ kadegboŋ nɛ baa tre Ninɛve na to n ya fiɛ ndoŋebi so ŋ kaŋɛ bumo fanɛ n wu bumo be asheŋ lubi nɛ baa wora na kikɛ. Amoso asheŋ maaŋ nyalɛ n sa bumo kikɛ.”

Jona 3:10

Ebɔrɛ ka wu kusɔ nɛ b wora na nɛ kananɛ b yige bumo be asheŋ lubi nɛ kebaawɔtɔ lubi na, nɛ e wu bumo kuwɔr nsaa maŋ naŋ shin nɛ b mur fanɛ kananɛ e daŋ yili na.

Jona 4:10

Nɛ Enyɛnpe Ebɔrɛ kaŋɛ le: “Kefeelebi nɛ fo maŋ duu ŋko ŋ keni so nɛ k daŋ be asheŋ e tir fo na. Kachɛ koŋwule nɛ kumo gbagba ta ŋ kɔr n daŋ m purge nseŋ naŋ wu kachɛ koŋwule to gba.

Matiu 18:33

Amoso, a daa maŋ daga fo alɛ gba ka wu fo barkasa kayɛrbi kuwɔr fanɛ kananɛ n wu fo kuwɔr na a?’

Ditɛronɔmi 1:39

Ade kikɛ be kaman, nɛ Enyɛnpe Ebɔrɛ na naŋ kaŋɛ anyi kikɛ le: ‘Menyi be mbia nɛ b kraa la mbiwurbi nsaa maŋ nyi kulubi nɛ kelela na, e naaŋ yɔ kasawule na so. Mbia nɛ men kaŋɛ fanɛ men doŋana beeŋ ya sɔ na, nɛ meeŋ ta kasawule na n sa nɛ b chena so.