Jona 3:8 - EBƆRƐ BE KAWƆL

⁸ Edimɛdi kikɛ e buu kagbenejijaso be asɔbuuso nseŋ shu n tre Ebɔrɛ kenishipreso. Ekama e yige asheŋ lubi be kewora nɛ kebaawɔ kebaawɔtɔ lubi to.

Jona 3:8 ပူးပေါင်းရင်းမြစ်များ

Job be kawɔl 16:17

Ama ma alɛ maŋ diewu n wora kulubi ko. Kebɔrkɔnshi kikɛ maŋ wɔ ma kabɔrɛkule to.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 25:5

B kaŋɛ menyi fanɛ men lar menyi be kebaawɔtɔ lubi nɛ asheŋ lubi na to nseŋ nya n chena kasawule nɛ Enyɛnpe Ebɔrɛ na ta n sa menyi nɛ men nananyɛnana fanɛ k baa la menyi be kapetɛsawule mbaanaayɔ na so.

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jɛremaya 36:3

Ashere nɛ Juda be basa nu kemur nɛ ŋ kre fanɛ meeŋ bar bumo so ere be asheŋ baaŋ chɛrga bumo be nfɛra nseŋ lar bumo be asheŋ lubi to. Saŋɛ na so meeŋ ta bumo be alubi m paŋ bumo.”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jona 1:14

Ndoŋ nna nɛ b kule Enyɛnpe Ebɔrɛ na ŋ kaŋɛ le: “O, Enyɛnpe Ebɔrɛ, jande, sa maŋ shin nɛ an wu ŋkpal anyi ka bee shin nɛ an lara kanyɛn ere be ŋkpa so. Sa maŋ kaŋ ji anyi demu ŋkpal an ka mɔ esa nɛ e maŋ kɔ kulubi so. Ŋkpal manɛ so, fo Enyɛnpe Ebɔrɛ na e naa wora kusɔ kikɛ fo keparso.”

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”