Jona 3:6 - EBƆRƐ BE KAWƆL

⁶ Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Jona 3:6 ပူးပေါင်းရင်းမြစ်များ

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

Job be kawɔl 2:8

Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Aizaaya 15:3

Basa nɛ b daa nite agbembi so na daŋ buu nli be asɔbuuso a ŋini bumo be ŋgbenejija nna, nɛ beko malɛ daa wɔ achoŋi nɛ alɔnɛ so a shu.

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Jɛremaya 36:13

Ndoŋ nna Mikaya kaŋɛ bumo kusɔ kama nɛ e nu Baruk ka kraŋ n sa basa na.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Nfabel 3:29

Kebar anyi be amu kaseto awurfoŋ be jemanɛ beeŋ shin nɛ an koya kusɔ ko; ŋkpal manɛ so, tama kraa wɔtɔ n sa anyi.

Ezikɛl 26:16

Saŋɛ na so nɛ bekama nɛ baa ji kuwura efuliana nɛ a chena m mata teku ase na e gbelge bumo be nwurputi so. Kumo be kaman nɛ b gbaŋ bumo be bewura be epiŋiana nɛ bumo be asɔbuuso nɛ b jɔɔ amo na kikɛ nseŋ chena kasawule a chicha. Ŋkpal kusɔ nɛ k beeŋ tu menyi na so, kufu beeŋ pɛ bumo ga hale nɛ b maŋ tiŋ n yige kebaachicha.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Maika 1:10

Men sa maŋ kaŋ malga kusɔ nɛ k bee wora menyi ere be asheŋ n sa Gafebi na kikɛ. Men sa maŋ shin nɛ b wu men ka bee shu. Menyi Bɛf Leafra be basa malɛ e ya dese eshishɛrpumpuŋ to a melti a ŋini kagbenejija nɛ k tɔr menyi so.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Luuk 10:13

Kumo be kaman nɛ Yesu naŋ kaŋɛ: “Kɔrazinebi, asheŋ maaŋ nyalɛ n sa menyi kikɛ. Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to, nɛ n daŋ wora amo Tayɛ nɛ Saidɔn to nna, ndoŋebiana daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.