Jona 3:5 - EBƆRƐ BE KAWƆL

⁵ Ninɛveebi na ka nu kubɔya na nɛ b yirda Ebɔrɛ nseŋ yili kumo fanɛ ekama e kishi. Ndoŋ nna nɛ benimu nɛ mbia kikɛ ta kagbenejijaso be asɔbuuso m buu a ŋini fanɛ bumo be ŋgbene jija bumo.

Jona 3:5 ပူးပေါင်းရင်းမြစ်များ

2 Bewura 19:1

Ewura Hɛzekaya ka nu kubɔya nɛ Asiriya be benapo be enimu kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta kagbenejijaso be asɔbuuso m buu n yɔ Enyɛnpe Ebɔrɛ na be bɔrɛlambu to.

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Ɛsta 4:1

Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Ɛksodɔs 33:6

Amoso b ka baŋ lar Sainai be kebee na ase n yɔ anishito, Israɛlebi na maŋ naŋ wɔtɔ shuwa ŋko gbiti be abitasɔ.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 42:1

Ndoŋ nna nɛ benapo be benimuana na nɛ Kerii pibinyɛn, Johanan nɛ Hoshaya pibinyɛn, Azariya nɛ basagboŋ nɛ bebɔlpo kikɛ chala abar m ba ma, Jɛremaya kutɔ

Jɛremaya 42:8

Ndoŋ nna nɛ n tre Johanan nɛ benapo be benimuana na nɛ basa pɔtɛ nɛ b ti so na kikɛ m ba abar so

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jona 3:7

Kumo be kaman nɛ e sa Ninɛveebi kubɔya. Kubɔya na e daa la fanɛ ewura nɛ mbe benimuana yɛ: “Esa kama e sa maŋ ji shɛŋ. Dimɛdi ŋko kusɔbɔya e sa maŋ ta ajibi ŋko nchu n yɔ kɔnɔ.

Matiu 12:41

Demujiachɛ na Ninɛveebi beeŋ yili n ji m bri mbreebi, ŋkpal manɛ so, anebi Jona ka daŋ bɔ kubɔya na n sa bumo na, b daŋ lar bumo be alubi to, ama ma e kaŋɛ menyi na fanɛ esa ko wɔ nfe a chɔ anebi Jona.

Luuk 11:32

Demujiachɛ na Ninɛveebi beeŋ yili n ji m bri mbreebi, ŋkpal manɛ so, anebi Jona ka daŋ bɔ kubɔya na n sa bumo na b daŋ lar bumo be alubi to. Ama ma e kaŋɛ menyi na fanɛ esa ko wɔ nfe a chɔ anebi Jona.”

Ashuŋ Shunso 27:25

Amoso, men baa kɔ kenyɛn, ŋkpal manɛ so, n yirda Ebɔrɛ fanɛ kusɔ nɛ e kaŋɛ ma na maaŋ chɛrga kikɛ.

Ashuŋ Shunso 8:10

Nɛ kade na to be basa kikɛ, benimu nɛ mbia daa bugi asoe a nu asɔ nɛ e bee kaŋɛ. Le nɛ b daa kaŋɛ: “Kanyɛn ere e la Ebɔrɛ be eleŋ nɛ baa tre Eleŋgboŋ na.”

Hibruwebi 11:1

To, manɛ e la yirda? Yirda la kebaanyi geeŋ fanɛ anyeeŋ nya asɔ nɛ anyee tama na nseŋ naa nyi fanɛ asɔ nɛ anyi maaŋ tiŋ n wu kenishiso na kikɛ wɔtɔ nna kashenteŋto.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”