Jona 3:2 - EBƆRƐ BE KAWƆL

² “Yɔ kadegboŋ nɛ baa tre Ninɛve na to n ya bɔ kubɔya nɛ n sa fo na n sa ndoŋebi.”

Jona 3:2 ပူးပေါင်းရင်းမြစ်များ

Ɛsta 9:31

nsaa nyiŋi Juwebi na nɛ bumo nanabiana fanɛ b baa nyiŋi a ji nchɛgboŋ nɛ baa tre Purim na fanɛ kananɛ baa ji ekishi nɛ nli be nchɛgboŋ na. Mɔdikaya nɛ ewurche Ɛsta e daŋ yili le be kesheŋ ere n sa bumo.

Ɛksodɔs 4:28

Ndoŋ nɛ Mosis malɛ kaŋɛ Ɛɛrɔn Enyɛnpe be mmalga nɛ e ta n shuŋi mo na kikɛ nseŋ naŋ kaŋɛ mo emamachisheŋ nɛ Ebɔrɛ ŋini mo fanɛ e ya wora na kikɛ be asheŋ.

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Ezikɛl 2:7

Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Jona 1:2

“Yɔ kadegboŋ nɛ baa tre Ninɛve na to n ya fiɛ ndoŋebi so ŋ kaŋɛ bumo fanɛ n wu bumo be asheŋ lubi nɛ baa wora na kikɛ. Amoso asheŋ maaŋ nyalɛ n sa bumo kikɛ.”

Jona 3:1

Ndoŋ nna nɛ Enyɛnpe Ebɔrɛ naŋ kaŋɛ Jona kela nyɔsopo le:

Jona 3:3

Ndoŋ nna nɛ Jona nu Enyɛnpe Ebɔrɛ be kamalga na nseŋ yɔ Ninɛve. Ninɛve daa la kadegboŋ nɛ esa beeŋ ta nchɛ asa nna n nite kumo be kaba ko n ya fo kaba ko.

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”