Jona 2:10 - EBƆRƐ BE KAWƆL

¹⁰ Ade be kaman nɛ Enyɛnpe Ebɔrɛ shin nɛ kɔrɔtɔ na ya gbu Jona n nase kedeŋi so ashi teku na be ekarso.

Jona 2:10 ပူးပေါင်းရင်းမြစ်များ

Jɛnesis 1:11

Kumo be kaman nɛ Ebɔrɛ naŋ kaŋɛ le: “Shin nɛ asɔduuso be yiri yiri to fanɛ ayu be yiri to nɛ ndibi sɔrso be yiri to kikɛ e fara a kɔr kasawule so nseŋ sɔr amo be yiri to be asɔrso.” Nɛ loŋ wora.

Jɛnesis 1:14

Kachɛ sasopo na be kaman nɛ Ebɔrɛ naŋ kaŋɛ: “Shin nɛ kefulto e lar awɔlpa to m barga kapa ashi kanyɛ to nseŋ shin nɛ a baa ŋini jemanɛ nɛ saŋɛ nɛ nchɛ nɛ nfɛ bee fara.

Jɛnesis 1:3

Ndoŋ nna nɛ Ebɔrɛ kaŋɛ: “Shin nɛ kefulto e lar n fulto.” Epul na to nɛ kaboŋ fulto par.

Jɛnesis 1:7

Loŋ ka wora nɛ Ebɔrɛ barga nchu na to ntunnyɔ, n shin nɛ katuŋ ko wɔ esoso nɛ kuko malɛ wɔ kasawule nɛ kunji wɔ amo be nferinto.

Jɛnesis 1:9

Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora.

Nshɛ 105:31

Ebɔrɛ daŋ malga nna nɛ ashushombi firgiso nɛ asɔ duŋso fanɛ epini ba mel efuli na kikɛ so.

Nshɛ 105:34

E daŋ malga gba nna nɛ elotɔr ŋgboŋto ŋgboŋto ba sɔ efuli na kikɛ so.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Aizaaya 38:20

Enyɛnpe Ebɔrɛ, fo e chɛ ma kulɔ. Amoso, anyeeŋ laŋ ejaŋjilaŋ m boŋ nshɛ ŋ kpaŋ fo. Anyi be kebaawɔtɔ to kikɛ, anyeeŋ boŋ nshɛ ŋ kpaŋ fo ashi fo bɔrɛlambu to.

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Jona 3:1

Ndoŋ nna nɛ Enyɛnpe Ebɔrɛ naŋ kaŋɛ Jona kela nyɔsopo le: