Jona 1:8 - EBƆRƐ BE KAWƆL

⁸ Nɛ b bishi mo le: “Kaŋɛ anyi, fo e shin nɛ le be tɔrɔ ere ba anyi so a? Manɛ be kushuŋ nɛ fee shuŋ? Nnɛ nɛ fo shi? Efuli mo so nɛ fo shi? Kanaŋ mo to be esa e la fo?”

Jona 1:8 ပူးပေါင်းရင်းမြစ်များ

Jɛnesis 47:3

Ndoŋ nna nɛ ewura Fɛɛro bishi bumo: “Manɛ be kushuŋ nɛ menyee shuŋ?” Nɛ b kaŋɛ mo: “Anyi, fo anya la asɔbɔyakpapoana nna fanɛ an nananyɛnana.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

1 Samuɛl 14:43

Nɛ Sɔɔl Kaŋɛ Jonatan le: “Kaŋɛ ma kusɔ nɛ fo wora.” Nɛ Jonatan yɛ: “N ta ma kekpabi nna n nyɔ mushoŋ to gbrɛbi n ji; nɛ kumo so nɛ k daga fanɛ n wu bre, kumo ere ma nde.”

1 Samuɛl 30:13

Ndoŋ nna nɛ Deevid bishi mo le: “Fo nyɛnpe e la wanɛ? Nnɛ nɛ fo shi?” Nɛ e yɛ: “Ijipt nɛ n shi nsaa la Amalɛk be esa ko be kenya; ama ma nchɛ asa nna na e ka yige ma n lɛ nfe ŋkpal ŋ ka bee lɔ so.