Jona 1:7 - EBƆRƐ BE KAWƆL

⁷ Kumo be kaman nɛ befarpo na kikɛ kaŋɛ a bar le: “Men shin nɛ an to beri n fin esa nɛ tɔrɔ ere shi mbe kumu so m ba anyi so ere.” B ka to beri na nɛ k tɔr Jona so.

Jona 1:7 ပူးပေါင်းရင်းမြစ်များ

Ɛsta 3:7

Ewura Sɛgsis ka ji kuwura be kafɛ kuduanyɔsopo be kufɔl sososo nɛ baa tre Nisan na to, nɛ Heman shin nɛ b to beri a fin kachɛ nɛ k daga fanɛ e wora kusɔ nɛ e bee kre na. Nɛ beri na ya tɔr kufɔl kuduanyɔsopo nɛ baa tre Ada na be nchɛ kuduasa.

Job be kawɔl 10:2

O Ebɔrɛ, sa maŋ kaŋ ji m bri ma loŋ! Manɛ be demu nɛ ma nɛ fo kɔ nɛ an ji ashi demujikpa?

Nshɛ 22:18

B to beri nna m barga ma asɔbuuso to n sa abar.

Aŋasa 16:33

Basa bee kaa bishiso nna a fin kananɛ baaŋ wora asheŋ, ama Enyɛnpe Ebɔrɛ nawule e naa yili kusɔ kikɛ.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Matiu 27:35

B ka gbir mo m mata kedibi largato na so n loge nɛ b ta mbe asɔbuuso n nase nsaa to beri a fin bumo nɛ baaŋ nya amo.

Ashuŋ Shunso 13:19

Keenan be kasawule so be efuli ashunu nɛ e shin nɛ a mur nseŋ ta kasawule na kikɛ n sa mbe basa na.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

Joshuwa 7:10

Nɛ Enyɛnpe Ebɔrɛ kaŋɛ Joshuwa le: “Koso! Manɛ nna nɛ fo dese kasawule loŋ?