Jona 1:5 - EBƆRƐ BE KAWƆL

⁵ Nɛ kufu pɛ kuloŋgboŋ na be befarpo na kikɛ ga nɛ b fara a shu a tre bumo be agbirana. Ndoŋ nna nɛ b lara kuloŋgboŋ na to be esulɔ n lɛ teku na to saŋɛ na so kumo be egbɛ beeŋ duga so ŋ ka ŋ kukwe. Jemanɛ ere so kikɛ nɛ Jona bre wɔ kuloŋgboŋ na be kaseto be ebu ko to a di kenishipereso.

Jona 1:5 ပူးပေါင်းရင်းမြစ်များ

1 Bewura 18:26

Nɛ b mɔ gbolu nɛ b sa bumo na n wora kananɛ b ŋini na nseŋ yili chipurso ŋ kule bumo be kegbir Baal na hale n ya fo kapaso. Le nɛ b daa cha awɔr a kaŋɛ: “Baal, nu anyi be kekule!” B daa boŋ nshɛ nna a cha awɔr a cha a kulti bɔrɛsure nɛ b pɔr na ama b daa maŋ nu shɛŋ.

Job be kawɔl 2:4

Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Nshɛ 107:25

Mo e daŋ malga kenishipereso n sa afugboŋ nɛ k ku atili teku so na.

Nshɛ 148:8

Bɔrɛ be kenyɛkpɛ nɛ abɔrɛjembubi nɛ kunyɔlɔ nɛ awɔlpaana nɛ bɔrɛfugboŋana nɛ amo kikɛ bee nu a sa mo na e baa kpaŋ mo.

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Hoziya 7:14

B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Jona 1:14

Ndoŋ nna nɛ b kule Enyɛnpe Ebɔrɛ na ŋ kaŋɛ le: “O, Enyɛnpe Ebɔrɛ, jande, sa maŋ shin nɛ an wu ŋkpal anyi ka bee shin nɛ an lara kanyɛn ere be ŋkpa so. Sa maŋ kaŋ ji anyi demu ŋkpal an ka mɔ esa nɛ e maŋ kɔ kulubi so. Ŋkpal manɛ so, fo Enyɛnpe Ebɔrɛ na e naa wora kusɔ kikɛ fo keparso.”

Jona 1:16

Le be kesheŋ ere daŋ shin nɛ befarpo na ŋana Enyɛnpe Ebɔrɛ na alegaiso nna. Kumo be kaman nɛ b lara sarga nseŋ nase nnɔ n sa Enyɛnpe Ebɔrɛ na.

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 25:5

Kijafɔ mo kul na daŋ chɛr ga nɛ edi pɛ bumo kikɛ nɛ b fara a di.

Matiu 26:43

E ka naŋ bɛta m ba bebɛsopo asa na kutɔ nɛ b naa di, ŋkpal manɛ so, bumo be anishi daŋ wora bumo egbɛ nna.

Matiu 26:45

Kumo be kaman nɛ e naŋ bɛta n yɔ bebɛsopo na kutɔ n ya bishi bumo le: “Men kraa di nna a wushi a? Men keni, saŋɛ na taga to nɛ b debɔr ma, Nyiŋgbasa Pibinyɛn na n ta ma m bɔɔ alubiworapoana enɔ.

Ashuŋ Shunso 27:38

Ekama ka ji n kukwe nɛ b ta ayu nɛ a wɔ ekuloŋgboŋ na to na n lɛ teku na to nɛ ekuloŋgboŋ na e fuga so.

Demujipoana 16:19

Nɛ Delaila ta Samsɔn be kumu n deŋi mbe aya so nseŋ lɔlɔ mo nɛ e di nɛ e shin nɛ Filisti be kanyɛn ko ba she mbe emin nɛ b far ntuŋ ashunu so na. Ndoŋ nna nɛ mbe eleŋ na lar mo to.

1 Samuɛl 24:3

E daŋ ba kebeelaŋ ko nɛ k mata mbolpɔ be aluu nɛ a mata ekpa na nna nseŋ luri ndoŋ nɛ e ya jɔŋɛ. Loŋ be saŋɛ na nɛ Deevid nɛ mbe basa malɛ ŋana loŋ be kebeelaŋ na be ŋkpar to.