Jona 1:3 - EBƆRƐ BE KAWƆL

³ Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Jona 1:3 ပူးပေါင်းရင်းမြစ်များ

Jɛnesis 3:8

Kumo be kamɔnchɛ kaboŋ ka ya kaa wushito nɛ enyɛn na nɛ mbe eche nu Enyɛnpe Ebɔrɛ be aya be egbri kudɔbi na to nseŋ luri ndoŋ be ndibi to ŋ ŋana mo so.

Jɛnesis 4:16

Ndulgi na be kaman nɛ Keen lar Enyɛnpe Ebɔrɛ na kutɔ n ya kaa wɔ Nɔd be kasawule so. Ndoŋ daa wɔ Iden be epeŋipetekpa be kaba so nna.

1 Bewura 19:3

Anebi Elaija ka nu loŋ nɛ kufu pɛ mo nɛ e shile a mɔlga mbe kumu. E daŋ keta mbe kayɛrbi nna n yɔ Bɛshiba nɛ k wɔ Juda be efuli so be kelargato be kaseto na n ya yige mo ndoŋ.

1 Bewura 19:9

Kumo be kanyɛso nɛ e yɔ kebeelaŋ to n ya dese a di. Ndoŋ nɛ e wɔ nɛ Enyɛnpe Ebɔrɛ na bishi mo le: “Elaija manɛ nɛ fee wora nfe?”

2 Kronikɛls 2:15

Amoso wora ania n ta ayu nɛ ayu peper nɛ nsa nɛ ɔlif be ŋku nɛ fo nase kɔnɔ fanɛ feeŋ sa na n chise beshumpo na.

2 Kronikɛls 2:16

Anyeeŋ ku ndibi nɛ baa tre sida nɛ fee sha na ashi Lebanɔn be abee so nseŋ ta amo n yɔ teku be kɔnɔ ase n ya kre amo nɛ eyɔri to n ta amo m bɔla teku so n yɔ Jɔpa, nɛ fo ya ta amo ndoŋ n yɔ Jerusalɛm.”

2 Kronikɛls 9:21

Ewura Sɔlɔmɔn daa kɔ nchu so be ekuloŋgboŋ damta nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a bɛta a ba.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Job be kawɔl 1:12

Ndoŋ nna nɛ Enyɛnpe Ebɔrɛ na kaŋɛ Setani le: “Yoo, n ta kusɔ kama nɛ e kɔ m bɔɔ fo enɔ, ama sa maŋ kaŋ doro Job gbagba bre.” Nɛ Setani lar Enyɛnpe Ebɔrɛ kutɔ n choŋ.

Job be kawɔl 2:7

Nɛ Setani lar Enyɛnpe Ebɔrɛ na be anishito nseŋ ya ta achuu besa so n lɛ Job so. Yili mbe kumu so m ba fo mbe ayadra so kikɛ daŋ wora achuu nna.

Nshɛ 107:23

Menyi to be beko be kebaawɔtɔ baa yil kebaa luri nchu so be ekuloŋgboŋ to a nite teku so a ji yawu so nna.

Aizaaya 2:16

Teku so be ekuloŋgboŋ lela kikɛ beeŋ mur nchu to.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:10

Tayɛebi, men ya kaa dɔ menyi be kasawule na so fanɛ kananɛ Ijiptebi bee dɔ Nail be lɔrgboŋ na be ekarso na, ŋkpal manɛ so, menyi maŋ naa kɔ kakpa nɛ men baa yili menyi be ekuloŋgboŋana.

Aizaaya 23:6

Menyi nɛ men wɔ efuli nɛ baa tre Fenisha na e boŋ to awɔrso n shu ga nseŋ wora ania n shile n yɔ efuli nɛ baa tre Speen na!

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Jɛremaya 10:9

Edimɛdi e naa lɔŋɛ agbir. Eshɛlpo e naa ku kedibi n shɛl, nɛ basa nɛ b nyi enɔ to be kushuŋ fanɛ ebɔyɛpo malɛ e ŋalga shuwa nɛ k shi Ufaz be efuli so ŋko gbiti nɛ k shi Speen be efuli so n wurge kedibi nɛ e shɛl na so. Kumo be kaman nɛ basa nɛ b nyi kananɛ baa ba asɔbuuso e ta wajɛchɛbi nɛ b nyɔɔ buru nɛ kepeper kunɔkunɔ m ba asɔbuuso m buu kedibi shɛlso na nɛ k ki kegbir.

Ezikɛl 2:8

Ama fo ere, dimɛdi pibi, nu kusɔ nɛ mee kaŋɛ fo ere, nsaa maŋ kini ma m pal kaman n sa ma fanɛ bumo. Amoso bugi kɔnɔ n sɔ kusɔ nɛ mee sa fo ere n ji fanɛ ajibi.”

Ezikɛl 27:12

Fo nɛ Speen be efuli so be basa daŋ ji yawu nna nɛ b ta gbiti nɛ abɛlso nɛ anyembi nɛ epal kikɛ ŋ ka fo asɔ damtaana be kukɔ.

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Jona 1:10

B ka nu loŋ nɛ kufu pɛ bumo ga, ŋkpal manɛ so, Jona teŋ kaŋɛ bumo fanɛ e bee shile Enyɛnpe Ebɔrɛ na nna.

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Luuk 9:62

Nɛ Yesu kaŋɛ mo: “Esa kama nɛ e pɛ katekpa to a dɔ nsaa wɔtɔ a gbɛ a keni kaman, maaŋ tiŋ n wora shɛŋ. Loŋ koŋwule nɛ Ebɔrɛ be kuwura na to be kushuŋ na du.”

Ashuŋ Shunso 15:38

Nɛ Pɔɔl yɛ loŋ maŋ daga, ŋkpal manɛ so, Jɔn Maak daa maŋ tu bumo n loge bumo be sososo be kushuŋ nɛ b daŋ ba to na nseŋ yili Pamfilia n yige bumo nseŋ bɛta n yɔ epe.

Ashuŋ Shunso 26:19

“Amoso, Ewura Agripa, m maŋ kini kenu n sa bɔrɛdare nɛ k shi ebɔrɛso m ba ma kutɔ na.

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Ashuŋ Shunso 9:38

Jɔpa nɛ Lida daa maŋ wɔ kufɔ, amoso, beyirdapo nɛ b daa wɔ Jɔpa na ka nu fanɛ Pita wɔ Lida nɛ b shuŋi basa anyɔ ko mo kutɔ fanɛ b ya kaŋɛ mo le: “Jande, wora ania n yeŋi so m ba anyi kutɔ.”

Ashuŋ Shunso 9:42

Kumo be baru daŋ sɔ Jɔpa to kikɛ nɛ basa damta yirda Enyɛnpe na.

Ashuŋ Shunso 9:43

Kumo be kaman nɛ Pita chena nwɔlgbitipo ko nɛ b daa tre Saimɔn pe ashi Jɔpa be kade na to n wora nchɛnnyɔ.

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Joshuwa 19:46

nɛ Mejarkɔn nɛ Rakkɔn nɛ Jɔpa be kasawule so kikɛ.