Jona 1:16 - EBƆRƐ BE KAWƆL

¹⁶ Le be kesheŋ ere daŋ shin nɛ befarpo na ŋana Enyɛnpe Ebɔrɛ na alegaiso nna. Kumo be kaman nɛ b lara sarga nseŋ nase nnɔ n sa Enyɛnpe Ebɔrɛ na.

Jona 1:16 ပူးပေါင်းရင်းမြစ်များ

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

2 Bewura 5:17

Kumo be kaman nɛ Neeman kaŋɛ le: “Hale nɛ fo maaŋ sɔ kakɛ ere gba, kumo ere fo shin nɛ n jɔ fo kasawule ere so be shishɛr n sulɔ ma ekurma ere be benyɔ n yɔ epe, ŋkpal manɛ so baŋ yili kabre a yɔ, Enyɛnpe Israɛl be Ebɔrɛ na nawule nɛ meeŋ baa lara sarga ŋko sarga chɔɔso a sa.”

Job be kawɔl 37:24

Amoso edimɛdi bee ŋana mo nsaa bunyaŋ mo nna, ŋkpal manɛ so, e maa keni kamoowu wuraana nɛ baa fɛ fanɛ b nyi asheŋ ga na a bɔlɔ kenishi.

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Kaŋinichiŋgeliŋ 5:4

Amoso nɛ fo baŋ nase kɔnɔ Ebɔrɛ be anishito, a daga fanɛ fo tia kumo manaŋ. Ŋkpal manɛ so, Ebɔrɛ be shɛŋ maa ji bewulpo to. Amoso baa wora a bɔlɔ fo nnɔ naseso so.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Jona 1:10

B ka nu loŋ nɛ kufu pɛ bumo ga, ŋkpal manɛ so, Jona teŋ kaŋɛ bumo fanɛ e bee shile Enyɛnpe Ebɔrɛ na nna.

Jona 1:14

Ndoŋ nna nɛ b kule Enyɛnpe Ebɔrɛ na ŋ kaŋɛ le: “O, Enyɛnpe Ebɔrɛ, jande, sa maŋ shin nɛ an wu ŋkpal anyi ka bee shin nɛ an lara kanyɛn ere be ŋkpa so. Sa maŋ kaŋ ji anyi demu ŋkpal an ka mɔ esa nɛ e maŋ kɔ kulubi so. Ŋkpal manɛ so, fo Enyɛnpe Ebɔrɛ na e naa wora kusɔ kikɛ fo keparso.”

Maak 4:31

K du fanɛ kakilia be keduuso nna, durnya to be aduusoana be kefimbi nɛ esa bee ta a duu kasawule so.

Ashuŋ Shunso 5:11

Kufu daŋ pɛ asɔriebi na kikɛ nɛ bekama nyam nɛ b daŋ nu kesheŋ ere na ga.