Job be kawɔl 9:8 - EBƆRƐ BE KAWƆL

⁸ Ebɔrɛ nawule e to kuwɔlpa m parga kumo to n sɔ kaplɛkama, mo alɛ e naa ji teku nɛ kumo to be asɔ kikɛ so eleŋ.

Job be kawɔl 9:8 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

1 Kronikɛls 16:26

Agbir nɛ efuli pɔtɛana bre be basa bee shuŋ, ama Enyɛnpe Ebɔrɛ e to esoso nɛ kasawule.

Job be kawɔl 26:13

Mo e fute n shin nɛ esoso fulto, nɛ e ta mbe enɔana m mɔ kusɔkpaŋ nɛ k bee gbeye na.

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Job be kawɔl 37:18

Ebɔrɛ bre beeŋ tiŋ n shin nɛ bɔrɛwɔlpa e parga to m buu so nɛ kakpa e wushi, ama fo alɛ beeŋ tiŋ n wora loŋ a?

Job be kawɔl 38:11

Kumo be kaman nɛ ŋ kaŋɛ kumo le: “Kakpa nɛ feeŋ tiŋ m ba fo nna na sa maŋ kaŋ choŋ so ndoŋ. Kakpa nɛ fo atili lempo na daga e fo nna na.”

Job be kawɔl 38:16

Job, fo daŋ yɔ teku be kaseto ŋ ku so a? Ŋko n nite kumo be kaseto be kasawule so ŋ ku so a?

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 10:12

Enyɛnpe Ebɔrɛ na e bɔla mbe eleŋgboŋ so n to durnya; e bɔla mbe kanyiasheŋ so nna n to durnya nseŋ parga awɔlpa to m buu kaplɛkama so.

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Baru lela nɛ Jɔn kute na 6:19

B ka far ekuloŋ na loŋ fanɛ emayɛl asa ŋko ana n yɔ anishito nɛ b wu Yesu nɛ e na nchu na so a ba ekuloŋ na akpa nɛ kufu pɛ bumo ga.