Job be kawɔl 8:6 - EBƆRƐ BE KAWƆL

⁶ ŋko nɛ fanɛ fo la esa nɛ fo niŋi nɛ kulubi kikɛ maŋ wɔ fo so nna, kumo ere Ebɔrɛ beeŋ naŋ chɛ fo to nseŋ shin nɛ fo naŋ nya asɔ nɛ fo paŋ na kikɛ.

Job be kawɔl 8:6 ပူးပေါင်းရင်းမြစ်များ

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Job be kawɔl 11:14

Tuba n lara kulubi ashi fo laŋ to, hale amo nɛ fo wora ashiri to na gba.

Job be kawɔl 16:17

Ama ma alɛ maŋ diewu n wora kulubi ko. Kebɔrkɔnshi kikɛ maŋ wɔ ma kabɔrɛkule to.

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Job be kawɔl 5:24

Feeŋ chena fo laŋ to nɛ kagbenewushi, nɛ shɛŋ maaŋ wora fo asɔ nɛ fo kɔ.

Nshɛ 18:25

Fee ji kashenteŋ nna a sa bekama nɛ baa ji kashenteŋ na. Fo alɛ maa pɔlɔ bumo nɛ b maŋ kɔ mpulɔ na.

Nshɛ 44:23

Enyɛnpe Ebɔrɛ, jande ba chɛ anyi to. Wora kusɔ ko. Sa maŋ kini anyi n lɛ.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 3:33

Enyɛnpe Ebɔrɛ na be shoduu wɔ basa lubi pe nna, nɛ mbe nɛfa malɛ wɔ basa lela pe.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.