Job be kawɔl 5:7 - EBƆRƐ BE KAWƆL

⁷ Ayai! Edimɛdi gbagba e naa fin asheŋ a sa bumo be amu; fanɛ kananɛ ajanwulɛ bee pante edɛ na.

Job be kawɔl 5:7 ပူးပေါင်းရင်းမြစ်များ

Job be kawɔl 14:1

“Dimɛdi be nchɛ maŋ shi durnya to, amo alɛ nɛ etɔrɔ damta nna.

Job be kawɔl 7:1

Manɛ nna nɛ kebaawɔtɔ du kpakpa loŋ? Manɛ nna nɛ anyee ji awurfoŋ loŋ?

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Kaŋinichiŋgeliŋ 1:8

Kebaawɔtɔ kikɛ baa la kabapɔ nna nɛ k maŋ walɛ k malga. Anyi be anishi ere maa wu asheŋ a moɛ nɛ asoe malɛ gba maa nu asheŋ a moɛ.

Kaŋinichiŋgeliŋ 2:22

Mannɛ bre be tɔnɔ nɛ an baa nya kegben damta nɛ anyee gben ere to?

Kaŋinichiŋgeliŋ 2:23

Fo ka baa wɔ ŋkpa to ere bre kusɔ kama nɛ fee wora baa la fuloŋ nna. Kusɔ nɛ fee nya kumo to e baa la kagbene jija nɛ ebesa; hale kanyɛso gba fo maaŋ nya n di.

Jɛremaya 20:18

Manɛ so nɛ b kurge ma bre? Kebaa kaa wɔ etɔrɔ nɛ awurfoŋ to a ji anishinyɔr n ya wu so nɛ b kurge ma a?

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.