Job be kawɔl 5:5 - EBƆRƐ BE KAWƆL

⁵ Kumo be kaman nɛ kejimuni wuraana nɛ basa nɛ akoŋ kɔ ba fuu bumo be adɔjibi nseŋ gbare bumo be mpetɛsɔ ŋ ki bumo peya.

Job be kawɔl 5:5 ပူးပေါင်းရင်းမြစ်များ

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Job be kawɔl 1:15

Epul na to nɛ Sabiaebi ko ba lar anyi so m mɔ beshumpo na nseŋ kpa ana nɛ ekurma na kikɛ n choŋ. N nawule e tiŋ n nya n shile m ba nɛ m ba kaŋɛ fo kusɔ nɛ k wora.”

Job be kawɔl 1:17

Mo alɛ gba kraa malga nna nɛ kabɔ sasopo ba kaŋɛ Job le: “Beyu nɛ b kɔ akɔsɔ be ntuŋ asa shi Babilɔn be efuli so nɛ k wɔ kelargato be esoso be epeŋilarkpa na nna m ba kɔ n suge fo enyɔma na nseŋ kpa amo kikɛ n choŋ. N nawule e nya n shile m ba nɛ m ba kaŋɛ fo kusɔ nɛ k wora.”

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Job be kawɔl 2:3

Ndoŋ nna nɛ Enyɛnpe Ebɔrɛ na naŋ bishi mo: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to esa kama maŋ du fanɛ mo. E la esa nɛ esa maaŋ tiŋ n wu mo kulubi nna nɛ mo alɛ bee bunyaŋ Ebɔrɛ nseŋ kishi kulubi be kewora. Fo ka kule ma ekpa n ya mur mbe asɔ kikɛ, nɛ e maŋ wora shɛŋ gba na, e kraa maŋ chɛrga mbe kebaawɔtɔ to.”

Job be kawɔl 20:15

Ndoŋ nna nɛ Ebɔrɛ e shin nɛ b paŋ asɔ nɛ b suge beko kutɔ na kikɛ.

Job be kawɔl 20:22

Saŋɛ nɛ b nya kusɔ kikɛ nɛ eyur wushi bumo na nɛ baaŋ paŋ kusɔ kikɛ nɛ kayurnyaŋ nɛ awurfoŋ gboŋgboŋi e ba bumo so.

Job be kawɔl 22:10

Amoso nɛ kufugboŋ ki fanɛ ajigbelɛ ŋ kulti fo n wɔtɔ

Nshɛ 109:11

Ebɔrɛ e shin nɛ basa nɛ e ji bumo be kukɔ e suge asɔ nɛ e kɔ kikɛ; n shin nɛ befɔ chil e sɔ asɔ nɛ e gben n nya na kikɛ mo kutɔ.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Nfabel 2:16

Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 28:51

Baaŋ suge menyi be asɔbɔya nɛ adɔjibi kikɛ nɛ akoŋ a mɔ menyi. B maaŋ yige ayu ŋko yabra belbelso ŋko ɔlifs be ŋku ŋko ana ŋko mbolpɔ kama n sa menyi.

Demujipoana 6:11

Kachako nɛ Enyɛnpe Ebɔrɛ na be malaika ba kadebi nɛ baa tre Ofra na nseŋ ba chena kedibigboŋ ko be kifito ashi kanyɛn ko nɛ baa tre Joash, nɛ e shi Abiyeza be kabuna na be kelɔnɛ so. Loŋ be saŋɛ na nɛ Joash pibinyɛn, Gidiɔn malɛ ŋana e bri ayu kegoro so, saŋɛ na so Midianebi na maaŋ wu mo.