Job be kawɔl 42:9 - EBƆRƐ BE KAWƆL

⁹ Ndoŋ nna nɛ Job mo nekpaana besa na, Ɛlifaz nɛ Bildad nɛ Zofa, wora kusɔ nɛ Enyɛnpe Ebɔrɛ na kaŋɛ bumo na, nɛ Ebɔrɛ sɔ Job be kekule nɛ e kule n sa bumo na.

Job be kawɔl 42:9 ပူးပေါင်းရင်းမြစ်များ

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Job be kawɔl 2:11

Job daa kɔ benekpana kpakpaso asa ko nna. Bumo e daa la Ɛlifaz nɛ e shi kadegboŋ nɛ baa tre Tɛman na nɛ Bildad nɛ e shi Shuuwa be kasawule so nɛ Zofa nɛ mo alɛ shi Naama be kasawule so na. B ka nu awurfoŋ nɛ Job bee ji na be asheŋ nɛ b kre keyɔ n ya leŋ mo to nseŋ wushi mo kagbene.

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Jɛnesis 20:17

Ŋkpal Abimelɛk ka daŋ suge Eebraham be eche Sɛɛra so, Enyɛnpetale daŋ ti mbe laŋ to ebi kikɛ be kakurge nna. Ndoŋ nna nɛ Eebraham kule Ebɔrɛ nɛ Ebɔrɛ chɛ Abimelɛk nɛ mbe eche nɛ mbe anyache kikɛ, saŋɛ na so baaŋ naŋ tiŋ ŋ kurge mbia.

Job be kawɔl 22:30

Hale basa nɛ b wora n jija gba beeŋ nya ketampaŋ, ŋkpal fo ka bee wora Ebɔrɛ kasonu so.”