Job be kawɔl 40:4 - EBƆRƐ BE KAWƆL

⁴ “Ma alɛ e la wanɛ nɛ n tiŋ n tuge fo mmalga? Mee wora ma kɔnɔ kare nɛ m malga ŋ kasar fo.

Job be kawɔl 40:4 ပူးပေါင်းရင်းမြစ်များ

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 32:10

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Job be kawɔl 16:21

Kananɛ esa bee kule Ebɔrɛ a sa mo nekpa na nɛ mee fin esa nɛ e beeŋ kule Ebɔrɛ n sa ma.

Job be kawɔl 21:5

Keni kananɛ ŋ ki. Ma asheŋ maa chinchiŋ fo nsaa mɔ fo kɔnɔ a?

Job be kawɔl 29:9

Benimuana na bee yige kamalga nna nsaa ta bumo be enɔana a buu nnɔ so.

Job be kawɔl 31:37

Kumo be kaman, meeŋ kaŋɛ Ebɔrɛ kusɔ nɛ n wora kikɛ nseŋ nya kagbene n yili mbe anishito.

Job be kawɔl 37:19

To, kaŋɛ anyi kusɔ nɛ anyeeŋ kaŋɛ Ebɔrɛ, anyi ere be nfɛra wea to nna na. Anyi maŋ kɔ shɛŋ nɛ an naŋ kaŋɛ.

Job be kawɔl 40:3

Ndoŋ nna nɛ Job kaŋɛ Enyɛnpe Ebɔrɛ le:

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Aŋasa 30:32

Nɛ fee puchi nsaa kɔ kumu kpakpaso nɛ kawuli a kre asheŋ lubi fo yige amo be kewora.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Nfabel 3:29

Kebar anyi be amu kaseto awurfoŋ be jemanɛ beeŋ shin nɛ an koya kusɔ ko; ŋkpal manɛ so, tama kraa wɔtɔ n sa anyi.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.

Levitikɔs 13:12

Nɛ fanɛ eyur so be kulɔ na salga to n sɔ esa na be eyur so kikɛ nna,

Maika 7:16

Efuli pɔtɛana nɛ baa puchi bumo be eleŋ so beeŋ wu asheŋ ere nɛ aba e pɔ bumo nɛ b lo bumo be nnɔ nseŋ ti bumo be asoe kagbenejijaso.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

1 Timoti 1:15

Le be kamalga ere la kashenteŋ nna, kumo alɛ maŋ kɔ emɔrɔ kikɛ fanɛ: Kristo Yesu ba durnya to nna nɛ e ba mɔlga basa ashi bumo be alubi to, ma alɛ be alubi e shi a chɔ ekama peya.

Demujipoana 18:19

Ndoŋ nna nɛ b kaŋɛ: “Lo fo kɔnɔ! Sa maŋ malga shɛŋ. Bɛ anyi so nseŋ ba ki anyi be bɔrɛmatapo nɛ esa nɛ e beeŋ baa ji anyi asoe to. Fo kaa bee shuŋ Israɛl be kabuna fanɛ bɔrɛmatapo maŋ bɔ kebaashuŋ kanaŋ koŋwule a?”