Job be kawɔl 4:3 - EBƆRƐ BE KAWƆL

^3-4 Nyiŋi kananɛ fo mmalga daŋ leŋ basa damta nɛ asheŋ daŋ tir bumo na to, a ŋini bumo kananɛ baaŋ baa wora asheŋ na.

Job be kawɔl 4:3 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Job be kawɔl 16:5

Ama ma ere daa beeŋ malga nna n leŋ fo to nseŋ lolo fo n wushi fo kagbene.

Job be kawɔl 29:11

Kusɔ kama nɛ n wora ŋko ŋ kaŋɛ daa par ekama nna nsaa fuli bumo be ŋgbene.

Job be kawɔl 29:15

N daa wora etanpo nɛ ebobi kelela nna.

Job be kawɔl 29:16

N daa la fanɛ etuto nna n sa betirpo, nseŋ daa ji asheŋ a chɛ befɔ to ashi demujikpa.

Job be kawɔl 29:21

M baa ji basa asoe to, baa lo to a nu kusɔ nɛ mee kaŋɛ na nna.

Aŋasa 10:21

Esa lela be mmalga kɔ tɔnɔ nna n sa basa damta, ama kawuli beeŋ tiŋ m mɔ fo.

Aŋasa 15:7

Benyiashempo be atuwebi e naa sa basa kenyi, mannɛ bewulpo peya.

Aŋasa 16:21

Enyiashempo e naa pin asheŋ to manaŋ manaŋ, nɛ kamalga lela malɛ bee chɛ to a shin nɛ esa be keŋini asheŋ bee nite nɛnɛ.

Aizaaya 35:3

Kubɔya nɛ k wɔtɔ n sa bekama nɛ b maŋ kɔ eleŋ nsaa chicha na nde; bumo e la basa nɛ baa fɔŋ na: “Men nya kenyɛn nsaa maa ŋana kufu. Menyi be Ebɔrɛ bee ba nɛ e ba gberge men doŋana kusoe. Ebɔrɛ beeŋ sɔ menyi be kɔnɔ ŋ kɔ n m mɔlga menyi.”

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Ezikɛl 13:22

Men bɔla efɛ so n shin nɛ basa lela nɛ m maŋ kre ketɔrɔ bumo pɔ aba nseŋ kuŋ basa lubi ekpa nɛ b maŋ lar bumo be asheŋ lubi to m mɔlga bumo be amu.

Zefanaiya 3:16

Jemanɛ ko bee ba nɛ b kaŋɛ Jerusalɛmebi le: ‘Men sa maa ŋana kufu! Menyi alɛ e sa maŋ pɔ aba ŋko a yil chaam ŋkpal kufu so!

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Luuk 22:43

Nɛ malaika ko shi ebɔrɛso n lar mo so m ba kaa leŋ mo to.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ditɛronɔmi 3:28

Ta mbraana ere n sa Joshuwa. Leŋ mo to nɛ e nya kagbene nɛ kenyɛn, ŋkpal manɛ so, mo e naaŋ juŋkpar basa na nɛ b dii lɔr na n ya chena kasawule nɛ fo wu na so.”

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

Hibruwebi 12:12

Amoso, men koso n wora menyi be enɔ pɔsoana nɛ amuli chichasoana ere eleŋto.