Job be kawɔl 3:5 - EBƆRƐ BE KAWƆL

⁵ Shin nɛ k baa la kachɛ nɛ k biri to a la tentembiri plɔ; nseŋ shin awɔlpa e buu kumo so nɛ epeŋi e sa maŋ nyaŋɛ.

Job be kawɔl 3:5 ပူးပေါင်းရင်းမြစ်များ

Job be kawɔl 16:16

N shu nna nɛ ma anishi m pere, hale puŋi m buu so nɛ m maŋ naa wu nɛnɛ.

Job be kawɔl 24:17

Kanyɛso nɛ baa sha a chɔ kapaso, ŋkpal manɛ so, bumo nɛ kanyɛso be asɔ nɛ e bee keta kufu na ji abar keteri nna.

Job be kawɔl 28:3

Basa bee sulɔ efitila nna a luri kasawule chiŋgeliŋ to tentembiri to n ya kaa fin abɛlso ere.

Job be kawɔl 3:4

Ebɔrɛ, shin nɛ loŋ be kachɛ na e ki tentembiri plɔ. Sa maŋ naa nyiŋi kumo be asheŋ kikɛ kuraa, fo alɛ e sa maŋ naŋ shin nɛ k fulto kikɛ.

Job be kawɔl 3:6

Lara loŋ be kanyɛ na ashi kafɛ be nchɛ to, nsaa maŋ naŋ shin nɛ b karga kumo n ti nchɛ so.

Job be kawɔl 34:22

Tentembiri plɔ gba maaŋ tiŋ n ta alubiworapo ŋ ŋana Ebɔrɛ so.

Job be kawɔl 38:17

Fo daŋ wu kakpa nɛ bubuni wɔ na be kabuna kenishiso ŋ ku so a?

Nshɛ 107:10

Menyi be beko daa wɔ kabuti to nna, a ji awurfoŋ tentembiri mina to nɛ ŋgbɛlɛbi kre menyi,

Nshɛ 107:14

Tentembiri mina to nɛ e lara menyi nseŋ tuge menyi be ŋgbɛlɛbi nɛ men nya menyi be amu a ji.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 44:19

Ama k du nna fanɛ fo yige anyi n lɛ kakpa chil, nɛ teŋtembiri mina buu anyi so n wɔtɔ kakpa nɛ asɔkpaŋ wɔ, nɛ anyi maaŋ tiŋ n wora shɛŋ.

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Ditɛronɔmi 4:11

Men kaŋɛ menyi be mbia kananɛ men daŋ ya yili Sainai be kebeegboŋ nɛ bɔrɛwɔlpa lembir gbitigbiti nɛ edɛ daa nyɛkpɛ amo to a yɔ awɔlpa so daa buu kumo so na ase

Hibruwebi 12:18

Men baa nyiŋi fanɛ men maŋ ba kebee mo nɛ baaŋ tiŋ m beta na ase nɛ edɛ wuloŋwuloŋ daa wɔ kumo so na. Ndoŋ nɛ tentembiri daŋ sɔ kakpa nɛ kaboŋ daŋ wora gbrum nɛ kumo be kaman nɛ afugboŋ ko daŋ ba na.