Job be kawɔl 2:8 - EBƆRƐ BE KAWƆL

⁸ Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Job be kawɔl 2:8 ပူးပေါင်းရင်းမြစ်များ

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

Ɛsta 4:1

Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Ɛsta 4:3

Efuli na so be kaplɛkama malɛ nɛ b kraŋ kawɔl na jimaŋ to, Juwebi nɛ b wɔ ndoŋ bee teŋi keeli nna a boŋto a shu. B daŋ kishi nna nseŋ shu ga nɛ bumo be bedamta ta kagbenejijaso be asɔbuuso m buu nseŋ dese nsunɔ to.

Job be kawɔl 2:9

Nɛ mbe eche ba kaŋɛ mo: “Manɛ nna nɛ fo kraŋ yirda Ebɔrɛ ashi awurfoŋ nɛ fee ji ere kikɛ to? Shoduu mo nseŋ wu nɛ k loge!”

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 38:5

Ŋkpal ma kawuli so, ma eyur kikɛ kɔ achuu nɛ a bɛ a dufɛ nna.

Nshɛ 38:7

Ma kaman bel edɛ nna a besa ma pelpelpel. Ma eyur kikɛ maŋ kɔ alenfia.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Ezikɛl 27:30

Bumo kikɛ beeŋ shu kagbenejijaso ŋkpal fo so, Baaŋ wora eshishɛr n wurge bumo be amu so nseŋ dese nsunɔ to a melti.

Jona 3:6

Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.