Job be kawɔl 2:4 - EBƆRƐ BE KAWƆL

⁴ Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Job be kawɔl 2:4 ပူးပေါင်းရင်းမြစ်များ

Jɛnesis 47:17

Ndoŋ nna nɛ b fara a bar bumo be asɔbɔyaana m ba kaa sa Josɛf nɛ e bee sa bumo ajibi. Basa daa bar bumo be egbaŋɛ nɛ bumo be mbolpɔ nɛ mboe nɛ ana nɛ ekurma nna. Amoafɛ basa na be asɔbɔya nɛ b ta n chɛr ajibi n ji loŋ nɛ kafɛ naŋ ya bɔɔ m ba.

Jɛnesis 47:19

Amoso wora kusɔ ko nɛ an sa maŋ wu fo anishito ŋko n shin nɛ anyi be nsawule e baa dese jiga loŋ. Amoso tɔ anyi nseŋ sa anyi asɔ duuso nɛ an duu, saŋɛ na so anyi nɛ anyi be nsawule kikɛ beeŋ ki ewura Fɛɛro peya.”

1 Bewura 20:31

Kede be kaman nɛ mbe benimuana na yɔ mo kutɔ n ya kaŋɛ le: “An nu fanɛ Israɛl be bewura bee wu kuwɔr ga, amoso sa anyi ekpa nɛ an ta kagbenejijaso be asɔbuuso n dela anyi be nshɛr to nseŋ ta efɔl malɛ n chɛ anyi be abɔto kagbenejijaso n yɔ Israɛl be ewura na kutɔ. Ashere nɛ an wora loŋ e maaŋ mɔ fo.”

Job be kawɔl 2:3

Ndoŋ nna nɛ Enyɛnpe Ebɔrɛ na naŋ bishi mo: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to esa kama maŋ du fanɛ mo. E la esa nɛ esa maaŋ tiŋ n wu mo kulubi nna nɛ mo alɛ bee bunyaŋ Ebɔrɛ nseŋ kishi kulubi be kewora. Fo ka kule ma ekpa n ya mur mbe asɔ kikɛ, nɛ e maŋ wora shɛŋ gba na, e kraa maŋ chɛrga mbe kebaawɔtɔ to.”

Job be kawɔl 2:5

Fo ere e ta kayurnyaŋ n lɛ Job so ŋ keni, e beeŋ yili fo gbagba be anishito n shoduu fo.”

Aŋasa 13:8

Saŋko, damawuraana bee kaa ta bumo be kanya nna a kuŋ bumo be amu, ama betirpo bre maa kaa luri loŋ be asheŋ to.

Jɛremaya 41:8

Ama pɔɛŋ nɛ b mɔ bumo, basa na to be basa kudu ko daŋ kaŋɛ Ishmaɛl le nna: “Jande, sa maŋ mɔ anyi! An kɔ ayu be yiri yiri nɛ ɔlif be ŋku nɛ mushoŋ nɛ an ta ŋ ŋana kupuŋ to. Amoso e daa maŋ shin nɛ b mɔ bumo ere.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

Matiu 6:25

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Luuk 12:23

ŋkpal manɛ so, eyur e chɔ asɔbuuso.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.