Job be kawɔl 2:3 - EBƆRƐ BE KAWƆL

³ Ndoŋ nna nɛ Enyɛnpe Ebɔrɛ na naŋ bishi mo: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to esa kama maŋ du fanɛ mo. E la esa nɛ esa maaŋ tiŋ n wu mo kulubi nna nɛ mo alɛ bee bunyaŋ Ebɔrɛ nseŋ kishi kulubi be kewora. Fo ka kule ma ekpa n ya mur mbe asɔ kikɛ, nɛ e maŋ wora shɛŋ gba na, e kraa maŋ chɛrga mbe kebaawɔtɔ to.”

Job be kawɔl 2:3 ပူးပေါင်းရင်းမြစ်များ

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

2 Samuɛl 20:20

Nɛ Jɔab kaŋɛ le: “Kaarɛ gba! Maa ba nɛ m bure ŋko m mur kade ere kikɛ!

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:11

To, fo ere e mur mbe kusɔ nɛ e kɔ kikɛ ŋ keni a, e maaŋ yili fo gbagba be anishito n shoduu fo?”

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Job be kawɔl 2:2

Ndoŋ nna nɛ Enyɛnpe Ebɔrɛ na bishi Setani le: “Nnɛ nɛ fo shi! Manɛ nɛ fo daa wora?” Nɛ Setani kaŋɛ: “N na a kulti durnya kikɛ to nna.”

Job be kawɔl 2:4

Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Job be kawɔl 9:17

E beeŋ shin nɛ bɔrɛfugboŋ e doro ma n ti so, nɛ m maŋ wora shɛŋ.

Job be kawɔl 9:20

Nɛ fanɛ m maŋ wora n da so gba, ma kɔnɔ to be mmalga beeŋ ji m biri ma.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Nshɛ 41:12

Ŋkpal ŋ kaa bee wora asheŋ niŋiso so, feeŋ chɛ ma to, nseŋ shin nɛ m baa wɔ fo kutɔ saŋkama.

Aŋasa 11:8

Basa cheembi bee nya kekuŋ ashi tɔrɔ nɛ k bee ba belubiworapo so na to nna.

Aŋasa 13:6

Kebaawora asheŋ niŋiso bee kuŋ esa niŋiso nna, ama alubi bre bee da basa lubi nna a lɛ.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 16:17

Basa lela bee gelge alubi be ekpa nna. Esa nɛ e da ekpa nɛ e bee bɔla so so beeŋ kuŋ mbe ŋkpa.

Baru lela nɛ Jɔn kute na 9:3

Nɛ Yesu kaŋɛ bumo: “Mannɛ kanyɛn ere gbagba be alubi so ŋko mo nio nɛ mo tuto be alubi so so nɛ e tan. E tan nna nɛ Ebɔrɛ e bɔla mo so ŋ ŋini basa mbe eleŋ be ashuŋ.

Filipaiebi 3:12

M maa ŋini fanɛ n teŋ nya asɔ nɛ ma anishi yuu so ere nna ŋko fanɛ n teŋ ki esa cheembi nna, ama m baa pere kenishi nna a kɔ to a yɔ anishito a fin kenya ma tɔnɔ, kumo alɛ so nɛ Kristo Yesu teŋ sɔ ma n sa mbe kumu na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.